am730 (大明燈 M33, 2011.5.25)

如果大家睇開呢個欄，其實好多議題上，孫柏文未開口，你都知我點企。例如，早排花旗國飲食集團Yum! Brands(YUM)，即係賣肯德基炸雞、必勝客薄餅間公司，宣布話想用現金收購埋未擁有涮羊肉、打邊爐概念餐廳小肥羊(968)股份。小股東接受，國家又唔阻住的話，小肥羊將會除牌被私有化。

如果要我估，假設小股東係理性的話，佢接受機會應該好高，起碼如果我係小股東我會接受。原因都係價錢問題，Yum!出到6.5元一股，係公司08年上市以來都未見過高位，如果你係股東，絕對可以要求更高價，不過就算爭取唔到，呢個價亦唔錯。
 
小肥羊賣到6.5元一股，估值上已完全唔吸引，有人肯用呢個價同你買，就賣俾佢算。
 
當然，作為呢有人垂青內地企業小股東，都會記得當年可口可樂KO收購源果汁(1886)撻cue事件。當年大股東想賣、小股東想賣、美帝想天價收購，點知國家用萬能、點都得競爭法，射低次交易。未宣布收購前，源股價賣四個幾，宣布用超過10元收購後，當然即大升，不過被ban之後今日，源都係賣四個幾一股，真係慘。
 
大家可能會問：「咁如果今次小股東批，中央政府又會唔會玩呢？」講真，唔知。
 
上次 源就係被「競爭法」射低，有呢條法例地方，就係一個政府鍾意點就點地方，甚至一個「誰能扯政府線就大晒」地方，所以律師或「有關係」人士先咁鍾意呢條法例，因可搵大錢。
 
最搞笑係源單被射低前，當年特區已經話copy and paste抄人要呢條「計劃競爭法」。而我都話一定會被人用來大搞封關鎖國政策。
 
大家可能會問我，政府應唔應該支持，呢次美帝飲食集團收購我國頂尖品牌行動。如果政府信我國真係大國崛起的話，就一定要唔好阻住。點解？大國崛起、影響世界，唔係淨係因你非洲多個油田、澳洲多個礦就算係。
 
我日日食壽司、漢堡包，就係發明呢食品國家最實在、最親民出口。我國飲食文化之中，打邊爐絕對係一項要向世界發揚光大飲食方法。
 
如果小肥羊能夠借助Yum!海外勢力，全球推動打邊爐文化，對改善外國人認識同認同中國人，比溫總外訪千次更有效。仲有，你唔俾Yum!幫手話，小肥羊打邊爐就會好似騰訊(700)Q Q一樣，內地大晒，國外則冇人用，永遠都係條要國家保護、如果唔係即死地頭蟲。
 
所以，唔好再玩封關鎖國、懶有型，批准Yum!同小肥羊呢次收購，釋放我國打邊爐文化吧！