遺忘二戰教訓

am730 (大明燈 M32, 2011.10.3)

 

有人曾經問過孫柏文,點解西方世界個個國家政府同國民都負債纍纍?係咪因為「種」問題、D N A出錯?我聽到咁講法時第一個反應,就係苦笑一,跟住就答:「當然唔係啦。」
如果係「種」問題,美國二十世紀初時候,或者係歐洲之前,曾經係擁有最多資本,儲蓄率極高地方。
其實要知點解,就要睇番歷來政策改動就會知,西方世界國民,其實只係在政策傾斜下,作出個好理性咁「跟住做」瘋狂借錢。
第二次世界大戰之後,西方世界領袖知道世人第一個「政策目標」,就係唔可以再好似二戰咁,令千千萬萬個人被屠殺。即戰爭唔可以再發生。咁根據佢諗法,經濟上得出幾個結論。
第一,世界各國唔可以貿易上封關鎖國,特別係禁止出口。容易令各國鷹派上台,因為買唔到就要搶。
特別係1945年前50年,曾經三次開戰歐洲。
第二,貨幣購買力要穩定,因為佢覺得當年1932年希特拉有民意基礎上台,係因二十年代尾一場摧毀德國人民經濟活動同生活儲蓄超級通脹。
佢吸納第一次世界大戰後發生過事教訓,就開始諗落實咩政策同點落實。因為大家諗諗,要堅決維持自由貿易係好難,每一個生產商或服務供應者,都希望其他行業自由貿易,等佢可買平貨,不過自己行就冇得入口,等其他人侷住要幫親佢。
往往仲會話自己行「入口貨唔達標危害市民」,或「我係戰略性行業,如果依賴入口,又突然開戰咁咪死?」用上述等等理由去玩保護主義。
不過,因為戰爭記憶猶新,陣各國國民都知呢保護主義遲早會出事。所以就戰後出現GATT關貿總協定,即係今日WTO(世界貿易組織)。冇錯,當年佢搞呢件出來,唔係為咩促進國民生活。
歐洲,就更加催簽條羅馬條約,要德國、法國同其他四個國家鋼同炭呢兩樣,當年開戰必需貨品上自由貿易,等鷹派議員冇藉口,冇支持。呢個條約就衍生今日歐盟。
咁你可能會問,咁貨幣問題呢?
其實,呢一環就係今日西方世界政府以及國民,負債纍纍根源。之不過要貨幣穩定,其實又係有好多誘惑唔跟隨。
如果我係政客,最好就係為我支持者「謀福利」,如果政府唔夠使,要借又冇人買國債,要印鈔票帶動通脹,亦冇所謂。因為通脹只係人人受,不過我支持者就有福利多多喎。
咁究竟西方領袖當年點搞,下回再同大家分享。

有人曾經問過孫柏文,點解西方世界個個國家嘅政府同國民都負債纍纍?係咪因為「種」嘅問題、D N A出錯?我聽到咁嘅講法時嘅第一個反應,就係苦笑咗一吓,跟住就答:「當然唔係啦。」

如果係「種」嘅問題,美國喺二十世紀初嘅時候,或者係歐洲之前,曾經係擁有最多資本,儲蓄率極高嘅地方。

其實要知點解,就要睇番歷來啲政策改動就會知,西方世界啲國民,其實只係在政策傾斜下,作出個好理性咁「跟住做」瘋狂借錢。

喺第二次世界大戰之後,西方世界領袖知道世人第一個「政策目標」,就係唔可以再好似二戰咁,令千千萬萬個人被屠殺。即戰爭唔可以再發生。咁根據佢哋嘅諗法,喺經濟上得出幾個結論。

第一,世界各國唔可以喺貿易上封關鎖國,特別係禁止出口。容易令各國鷹派上台,因為買唔到就要搶。

特別係喺1945年前嘅50年,曾經三次開戰嘅歐洲。

第二,貨幣購買力要穩定,因為佢哋覺得當年1932年希特拉有民意基礎上台,係因二十年代尾一場摧毀德國人民經濟活動同生活儲蓄嘅超級通脹。

佢哋吸納第一次世界大戰後發生過嘅事嘅教訓,就開始諗落實啲咩政策同點落實。因為大家諗諗吓,要堅決維持自由貿易係好難,每一個生產商或服務供應者,都希望其他行業自由貿易,等佢嘅可買平貨,不過自己嗰行就冇得入口,等其他人侷住要幫親佢哋。

往往仲會話自己嗰行啲「入口貨唔達標危害市民」,或「我哋係戰略性行業,如果依賴入口,又突然開戰咁咪死?」用上述等等理由去玩保護主義。

不過,因為戰爭嘅記憶猶新,嗰陣各國國民都知呢啲保護主義遲早會出事。所以就喺戰後出現GATT關貿總協定,即係今日嘅WTO(世界貿易組織)。冇錯,當年佢哋搞呢件嘢出來,唔係為咩促進國民生活。

喺歐洲,就更加催簽嗰條羅馬條約,要德國、法國同其他四個國家喺鋼同炭呢兩樣,當年開戰必需嘅貨品上自由貿易,等啲鷹派議員冇藉口,冇支持。呢個條約就衍生咗今日嘅歐盟。

咁你可能會問,咁貨幣問題呢?

其實,呢一環就係今日西方世界政府以及國民,負債纍纍嘅根源。之不過要貨幣穩定,其實又係有好多嘅誘惑唔跟隨。

如果我係政客,最好就係為我啲支持者「謀福利」,如果政府唔夠使,要借又冇人買國債,要印鈔票帶動通脹,亦冇所謂。因為通脹只係人人受啲啲啫,不過我嘅支持者就有福利多多喎。

咁究竟西方領袖當年點搞,下回再同大家分享。

 

 

Facebook Comments

Leave a comment