「環保西瓜」殺地球

信報 (專家之言 B13, 2011.12.21)

 

呢排,我獅子山學會又有一批新intern。佢都係來自南半球,因為佢聖誕當暑假咁放,所以有一批相信自由後生女,因為聽佛利民話,要睇自由市場偉大,就要來香港,就來我獅子山學會。
咁尋日,佢上我教堂時,其中一個就問關於鬧到滿城風雨電力加價事件。咁我就問番呢位intern,知唔知點解電力公司要求佢提出加價幅度,憑乜有呢個百分比。
咁呢位百分百澳洲白種女intern就話: 「減排同燃料價格上升,所以申請加價。」咁我就答佢: 「全世界都係咁啦,有政府例如我祖國咁,見電廠有咁壓力,都係唔畀加,點解我特區電公司又咁把炮要政府畀佢加呢?」呢位intern,對我區情原來唔係完全唔識,就話係因為有一個政策叫「利潤管制計劃」。作為導師,我一聽到佢咁講,就即刻糾正佢話: 「千祈唔好中埋呢政治化妝術,一定要叫呢個政策為『利潤保證計劃』。」我講完就接住問: 「咁點解當初會有個利潤保證計劃呢?」去到呢度,我相信如果對住民主派議員、敢佔領中環但唔敢講英文廢青【註】、專搞蛇宴左派「工會」問同一條問題,佢都會話係因為香港有一股根深蒂固、明益大商家政策文化。各位,right?當我堂上提出呢個論調時,個intern 就問答: 「冇理由咁簡單。」
利潤保證下西隧狂蝕
我笑一笑,就同佢講,其實除電力之外, 「利潤保證計劃」呢個概念,都其他範疇上用。因為我辦公室有個位望到西隧,我就指向西隧方向話:「條隧道都係有『利潤保證計劃』,不過年年蝕到個投資者飛起,所以肯定唔係明益大商家。」跟住我就由鴉片戰爭講起,簡短咁講次殖民地歷史。而重點就係五十、六十、七十年代,人口大幅增加時,殖民地政府因為知道需求不斷上升,不過因為政局不穩、遍地「菠蘿」,好似起發電站呢要好多年先回本投資,難吸引資金。最有效吸引資金方法,就係需求不斷上升情況下,保證資金投資賺硬。
有投資,電力供應就會多。
不過,呢個利益保證制度仲有冇需要呢?睇過海交通,西隧年年蝕到飛起,蝕到再冇私人公司肯再起道路基建,政府之後唔為交通,而為就業,搞十大工程,就完全唔理成本效益(都唔講環境破壞)就上馬。即係特區交通問題,係咪根本唔關起新路事?
睇番電力,大家要問一問自己,現有投資係咪已經夠呢?現有保護資本一定賺政策,其實仲係非常鼓勵投資。我估,中電恨不得起段十億美元計液化天然氣輸入站,而港燈就想起海上風車,由南丫島起到海南島,之後谷大資本開支後,乘一乘個回報率,跟住加價。
問題係,呢個就係利潤保證計劃想見到 結果, 即係利潤保證計劃係work!要鬧,就鬧點解仲要鼓勵投資。電力公司唔蠢,所以要加價,就搵個理由,最好理由就肯定係環保。
點知有電力公司又唔夠醒目,走去諗住搵本地「環保」團體護航,完全被佢綠色皮呃。
「環保」團體不環保
本地「環保」團體,其實係西瓜,話就話係為環保,不過只係不折不扣想玩馬克思主義,仇富行動。所以你會見到佢去濕地反對起豪宅,不過當有大好機會(即加電費)去減低特區碳排放時,就反對電力公司加價;仲話要住宅同中小企有優惠,即係要佢用多電。
所以,我奉勸所有有心人,唔好再捐錢畀呢本地「環保」團體,學校唔好再同佢合作,因為除非佢老實咁話佢其實唔係搞環保,而係搞共產,佢呃緊你咋。
註:bit.ly/tHHNsB
獅子山學會研究部總監孫柏文

呢排,我哋獅子山學會又有一批新嘅intern。佢哋都係來自南半球,因為佢哋聖誕當暑假咁放,所以有一批相信自由嘅後生女,因為聽咗佛利民話,要睇自由市場嘅偉大,就要來香港,就來咗我哋獅子山學會。

咁尋日,佢哋上我教嘅堂時,其中一個就問關於鬧到滿城風雨嘅電力加價事件。咁我就問番呢位intern,知唔知點解電力公司要求佢哋提出嘅加價幅度,憑乜有呢個百分比。

咁呢位百分百澳洲白種女intern就話: 「減排同燃料價格上升,所以申請加價。」咁我就答佢: 「全世界都係咁啦,有政府例如我哋祖國咁,見電廠有啲咁嘅壓力,都係唔畀加,點解我哋特區啲電公司又咁把炮要政府畀佢哋加呢?」呢位intern,對我哋區情原來唔係完全唔識,就話係因為有一個政策叫「利潤管制計劃」。作為導師,我一聽到佢咁講,就即刻糾正佢話: 「千祈唔好中埋呢政治化妝術,一定要叫呢個政策為『利潤保證計劃』。」我講完就接住問: 「咁點解當初會有個利潤保證計劃呢?」去到呢度,我相信如果對住民主派議員、敢佔領中環但唔敢講英文嘅廢青【註】、專搞蛇宴左派「工會」問同一條問題,佢都會話係因為香港有一股根深蒂固、明益大商家政策文化。各位,right?當我堂上提出呢個論調時,個intern 就問答: 「冇理由咁簡單。」

利潤保證下西隧狂蝕

我笑一笑,就同佢講,其實除咗電力之外, 「利潤保證計劃」呢個概念,都喺其他範疇上用。因為我哋辦公室有個位望到西隧,我就指向西隧方向話:「嗰條隧道都係有『利潤保證計劃』,不過年年蝕到個投資者飛起,所以肯定唔係明益大商家。」跟住我就由鴉片戰爭講起,簡短咁講咗次殖民地歷史。而重點就係五十、六十、七十年代,人口大幅增加時,殖民地政府因為知道需求不斷上升,不過因為政局不穩、遍地「菠蘿」,好似起發電站呢啲要好多年先回本嘅投資,難吸引資金。最有效吸引資金嘅方法,就係喺需求不斷上升嘅情況下,保證資金投資賺硬。

有投資,電力供應就會多。

不過,呢個利益保證制度仲有冇需要呢?睇過海交通,西隧年年蝕到飛起,蝕到再冇私人公司肯再起道路基建,政府之後唔為交通,而為就業,搞十大工程,就完全唔理成本效益(都唔講環境破壞)就上馬。即係特區交通問題,係咪根本唔關起新路事?

睇番電力,大家要問一問自己,現有嘅投資係咪已經夠呢?現有保護資本一定賺政策,其實仲係非常鼓勵投資。我估,中電恨不得起嗰段十億美元計嘅液化天然氣輸入站,而港燈就想起海上風車,由南丫島起到海南島,之後谷大資本開支後,乘一乘個回報率,跟住加價。

問題係,呢個就係利潤保證計劃想見到嘅結果, 即係利潤保證計劃係work嘅!要鬧,就鬧點解仲要鼓勵投資。啲電力公司唔蠢,所以要加價,就搵個理由,最好嘅理由就肯定係環保。

點知有啲電力公司又唔夠醒目,走去諗住搵啲本地「環保」團體護航,完全被佢哋綠色嘅皮呃咗。

「環保」團體不環保

本地「環保」團體,其實係西瓜,話就話係為環保,不過只係不折不扣想玩馬克思主義,仇富行動。所以你會見到佢去濕地反對起豪宅,不過當有大好機會(即加電費)去減低特區碳排放時,就反對電力公司加價;仲話要住宅同中小企有優惠,即係要佢哋用多啲電。

所以,我奉勸所有有心人,唔好再捐錢畀呢啲本地「環保」團體,學校唔好再同佢哋合作,因為除非佢哋老實咁話佢哋其實唔係搞環保,而係搞共產,佢哋呃緊你哋咋。

註:bit.ly/tHHNsB

獅子山學會研究部總監孫柏文

info@lionrockinstitute.org

 

 

Facebook Comments

Leave a comment