金手指:煲呔點應付爆煲

蘋果日報 (投資 B09, 2012.1.31)

 

上周末,特首喺瑞士世界經濟論壇年會度話「從未對全球經濟前景如此驚恐」,仲話最好快爆,最好喺佢卸任前爆,等佢「有機會可以處理,唔好等轉屆時發生,增添麻煩」。
我唔知佢喺Davos聽到啲乜,不過如果被特首罕有地講中,真係爆煲,佢會點做?低級政客就會話,紓解民困、派錢6000蚊、擔保中小企貸款等。
我同特首呢啲政治家一聽就會問:「呢啲擺得平,就唔會係驚到瞓唔着嘅危機啦!」
再出擔保存款招數
試諗以下一刻你係特首。希臘宣佈唔還錢,有間歐洲銀行被擠提,該國政府冇財力擔保,所以嗰間銀行爆。
市傳滙豐控股(005)係個好大嘅對手,所以5號股價開始大幅下滑。香港亦傳倫敦滙控出現電子擠提潮。Ok,你點做?
如果睇曾特首話希望佢任內爆,相信佢會再來「政府擔保所有存款」。原因係呢個擔保,一旦喺新特首選舉後、不過就任前發,鬼信你煲呔。
如果係新特首,我會說不,原因喺呢場海嘯中第一個咁做嘅國家係愛爾蘭,08年確實冇事,不過2012年呢?所以最好任內爆,因為都拍拍屁股走,擔保埋孫柏文喺酒吧條數都冇所謂。
仲有,客買嘅滙控產品係倫敦發嘅,你淨係擔保香港滙豐存款,一旦係倫敦有事咁點呢?最後,擔保、泵錢,全都要個危機係周轉不靈而唔係資不抵債,不過因之前你吓吓都擔保,存戶都唔睇銀行做風險幾大嘅生意,最後係因你之前鼓勵,最後爆資不抵債危機又點?都冇所謂,因為你已卸任了。
孫柏文
獨立股評人

上周末,特首喺瑞士世界經濟論壇年會度話「從未對全球經濟前景如此驚恐」,仲話最好快爆,最好喺佢卸任前爆,等佢「有機會可以處理,唔好等轉屆時發生,增添麻煩」。

我唔知佢喺Davos聽到啲乜,不過如果被特首罕有地講中,真係爆煲,佢會點做?低級政客就會話,紓解民困、派錢6000蚊、擔保中小企貸款等。

我同特首呢啲政治家一聽就會問:「呢啲擺得平,就唔會係驚到瞓唔着嘅危機啦!」

再出擔保存款招數

試諗以下一刻你係特首。希臘宣佈唔還錢,有間歐洲銀行被擠提,該國政府冇財力擔保,所以嗰間銀行爆。

市傳滙豐控股(005)係個好大嘅對手,所以5號股價開始大幅下滑。香港亦傳倫敦滙控出現電子擠提潮。Ok,你點做?

如果睇曾特首話希望佢任內爆,相信佢會再來「政府擔保所有存款」。原因係呢個擔保,一旦喺新特首選舉後、不過就任前發,鬼信你煲呔。

如果係新特首,我會說不,原因喺呢場海嘯中第一個咁做嘅國家係愛爾蘭,08年確實冇事,不過2012年呢?所以最好任內爆,因為都拍拍屁股走,擔保埋孫柏文喺酒吧條數都冇所謂。

仲有,客買嘅滙控產品係倫敦發嘅,你淨係擔保香港滙豐存款,一旦係倫敦有事咁點呢?最後,擔保、泵錢,全都要個危機係周轉不靈而唔係資不抵債,不過因之前你吓吓都擔保,存戶都唔睇銀行做風險幾大嘅生意,最後係因你之前鼓勵,最後爆資不抵債危機又點?都冇所謂,因為你已卸任了。

孫柏文

獨立股評人

 

 

Facebook Comments

Leave a comment