金融一條針: 有錢人學做有錢人?

爽報 – 財經V29, 2012.2.7

 

昨日,見到一份親北京報紙頭版寫住「有錢人要學有錢人」。雖然我無再細心睇內容講乜,不過我即刻就思潮澎湃,好多嘢諗。
有排同幾個文化人朋友吹水,大家講到香港某位文化名嘴北上搵食:「佢老哥返大陸,一次講座閒閒哋十幾廿萬人仔。同班新發財講吓外國文化。大陸人呢期發得太快,但無乜需要接觸外面,搞到個個都覺得要補吓習,免得出洋相嘛。」我唔係笑人家無見識。相反,我覺得呢種唔識就學嘅態度,先至係孔子所講,不恥下問嘅最佳演繹。
話說,20世紀初,地球上有另一個地方曾經出現過類似情況。十九世紀中後期,美國步入第二次工業革命。美國好多實業家,成為世界巨富。不過呢班人完全唔知自己原來幾有錢,淨係一味識得死做爛做。到19世紀末,20世紀初,喺好多人心目中,世界財金中心仍然係倫敦,科技文化就首推奧地利維也納,紐約只係窮人搵機會嘅地方,有少少似今日嘅深圳。
 
 
自覺未算上等人
 
1865至1897年屬通縮期,最大政治議題之一,係通縮令農夫生活艱難。美國地多人少,加上19世紀中葉之後廢除黑奴,農夫好多時要靠借錢過活。通縮即係物價下跌,借錢嘅人只會越來越難還錢。工業家就適逢化工及能源革命,生產力不斷提升,賤物鬥窮人,反而成為贏家,累積嘅財富,就借畀農民。階級矛盾亦由始而起。甚麼反壟斷法、最低工資,就係呢個時候嘅政治產物。當時嘅人相信,如果可以人為令物價抬高,點解唔幫吓啲窮人?
結果,1897年之後,美國真係進入通脹。由1897到1914年,美國物價升咗50﹪,不過原因並非政府政策,而係淘金熱,再加上提煉黃金嘅技術突然躍進,忽然間金本位嘅美國,忽然多咗錢,亦出現一班新發財。呢段日子就係銀行家同炒家嘅天下,美國有錢佬好鍾意娶歐洲落難王孫,就算寡婦都有市場,就係因為呢班人,從心底裏覺得自己唔係上等人。
當有錢人學做有錢人,我哋就知道,呢班有錢人嘅錢,係貨幣現象下嘅泡沫。真正實業家好清楚自己嘅價值,係唔需要學做有錢人,因為佢哋堀起嘅過程,本身就已經係一個學習嘅過程。
 
利世民
 
 
專欄電郵:SharpHK.Simon@gmail.com
Facebook專頁:www.facebook.com/AppleSimon

昨日,見到一份親北京報紙頭版寫住「有錢人要學有錢人」。雖然我無再細心睇內容講乜,不過我即刻就思潮澎湃,好多嘢諗。

 有排同幾個文化人朋友吹水,大家講到香港某位文化名嘴北上搵食:「佢老哥返大陸,一次講座閒閒哋十幾廿萬人仔。同班新發財講吓外國文化。大陸人呢期發得太快,但無乜需要接觸外面,搞到個個都覺得要補吓習,免得出洋相嘛。」我唔係笑人家無見識。相反,我覺得呢種唔識就學嘅態度,先至係孔子所講,不恥下問嘅最佳演繹。

 話說,20世紀初,地球上有另一個地方曾經出現過類似情況。十九世紀中後期,美國步入第二次工業革命。美國好多實業家,成為世界巨富。不過呢班人完全唔知自己原來幾有錢,淨係一味識得死做爛做。到19世紀末,20世紀初,喺好多人心目中,世界財金中心仍然係倫敦,科技文化就首推奧地利維也納,紐約只係窮人搵機會嘅地方,有少少似今日嘅深圳。

自覺未算上等人

 1865至1897年屬通縮期,最大政治議題之一,係通縮令農夫生活艱難。美國地多人少,加上19世紀中葉之後廢除黑奴,農夫好多時要靠借錢過活。通縮即係物價下跌,借錢嘅人只會越來越難還錢。工業家就適逢化工及能源革命,生產力不斷提升,賤物鬥窮人,反而成為贏家,累積嘅財富,就借畀農民。階級矛盾亦由始而起。甚麼反壟斷法、最低工資,就係呢個時候嘅政治產物。當時嘅人相信,如果可以人為令物價抬高,點解唔幫吓啲窮人?

結果,1897年之後,美國真係進入通脹。由1897到1914年,美國物價升咗50﹪,不過原因並非政府政策,而係淘金熱,再加上提煉黃金嘅技術突然躍進,忽然間金本位嘅美國,忽然多咗錢,亦出現一班新發財。呢段日子就係銀行家同炒家嘅天下,美國有錢佬好鍾意娶歐洲落難王孫,就算寡婦都有市場,就係因為呢班人,從心底裏覺得自己唔係上等人。

當有錢人學做有錢人,我哋就知道,呢班有錢人嘅錢,係貨幣現象下嘅泡沫。真正實業家好清楚自己嘅價值,係唔需要學做有錢人,因為佢哋堀起嘅過程,本身就已經係一個學習嘅過程。

利世民

專欄電郵:SharpHK.Simon@gmail.com

Facebook專頁:www.facebook.com/AppleSimon

 

Facebook Comments

Leave a comment