利世民:減肥悟出經濟學

爽報 (財經, 2012.5.02)
人到中年就想挑戰自己,今年決定用半年時間,將體重同體質,回復到廿歲嘅水平,且將血壓減減。
要改善,不外乎飲食、運動用休息。休息,最緊要唔好捱夜,生活有紀律好緊要。至於飲食同運動,好多人以為一味減卡路里,瘋狂做運動燃燒,就可減到肥。通常呢種人好快放棄,尤其當發現跑成個鐘都只係燒咗兩碗飯嘅卡路里,佢哋好快就覺得,做乜都係徒勞無功。
不過,身形瘦削嘅人,並非個個都日跑兩個鐘,而且食量唔細。究竟分別係乜?做少少研究同觀察,先知道原來影響身體脂肪積聚同消耗,最緊要係血糖水平。當血糖水平經常大上大落,多咗嘅血糖又無被消耗,就會經連串生化過程變成脂肪。就好似中央銀行控制流動性一樣,血糖係流動資本,脂肪係資產泡沫。
要減肥,就係要對付一個資產泡沫嘅經濟。好多人話:「抽緊銀根囉!」不過,抽緊銀根固然可令資產泡沫爆破,不過同時間,其他本來正常經濟運作都要一齊收縮。過程不但痛苦,且因生存本能,好快就有壓力要央行重新放鬆流動性,結果下一個泡沫好快又會出現。即刻話減肥如只靠節食,就算減到都好快反彈。
「一定要配合做運動!」事實上做運動唔係燒脂,而係建立肌肉。人嘅肌肉其實每分每秒都消耗能量,易肥嘅人就係肌肉佔身體比重唔夠,就好似一個經濟唔夠內需,結果財富轉移去變成資產泡沫累積。點樣建立內需?需求永遠都存在,只不過政客為保護國家既得利益,阻頭阻勢,消費者先得唔到滿足,市場又唔夠競爭。所以Kickstart做運動,最緊要係鬥心,好似封閉嘅經濟,準備好要同世界接軌同外面對手競爭一樣。
利世民
專欄電郵:SharpHK.Simon@gmail.com
Facebook專頁:www.facebook.com/AppleSimon

爽報 (財經, 2012.5.02)

 

人到中年就想挑戰自己,今年決定用半年時間,將體重同體質,回復到廿歲嘅水平,且將血壓減減。

要改善,不外乎飲食、運動用休息。休息,最緊要唔好捱夜,生活有紀律好緊要。至於飲食同運動,好多人以為一味減卡路里,瘋狂做運動燃燒,就可減到肥。通常呢種人好快放棄,尤其當發現跑成個鐘都只係燒咗兩碗飯嘅卡路里,佢哋好快就覺得,做乜都係徒勞無功。

不過,身形瘦削嘅人,並非個個都日跑兩個鐘,而且食量唔細。究竟分別係乜?做少少研究同觀察,先知道原來影響身體脂肪積聚同消耗,最緊要係血糖水平。當血糖水平經常大上大落,多咗嘅血糖又無被消耗,就會經連串生化過程變成脂肪。就好似中央銀行控制流動性一樣,血糖係流動資本,脂肪係資產泡沫。

要減肥,就係要對付一個資產泡沫嘅經濟。好多人話:「抽緊銀根囉!」不過,抽緊銀根固然可令資產泡沫爆破,不過同時間,其他本來正常經濟運作都要一齊收縮。過程不但痛苦,且因生存本能,好快就有壓力要央行重新放鬆流動性,結果下一個泡沫好快又會出現。即刻話減肥如只靠節食,就算減到都好快反彈。

「一定要配合做運動!」事實上做運動唔係燒脂,而係建立肌肉。人嘅肌肉其實每分每秒都消耗能量,易肥嘅人就係肌肉佔身體比重唔夠,就好似一個經濟唔夠內需,結果財富轉移去變成資產泡沫累積。點樣建立內需?需求永遠都存在,只不過政客為保護國家既得利益,阻頭阻勢,消費者先得唔到滿足,市場又唔夠競爭。所以Kickstart做運動,最緊要係鬥心,好似封閉嘅經濟,準備好要同世界接軌同外面對手競爭一樣。

 

利世民

專欄電郵:SharpHK.Simon@gmail.com
Facebook專頁:www.facebook.com/AppleSimon

Facebook Comments

Leave a comment