的士牌價有泡沫

爽報 (財經V44, 2012.5.22)
原來市區的士牌已炒到576萬元一個,比起十年前升咗9成,比去年同期升兩成七。有人話係大陸資金炒到冇嘢好炒,結果連的士牌都炒得一餐。
樓炒得高,好多人話因信磚頭點都「有渣拿」,但的士牌同樓有少少唔同。一來的士牌只係經營權,換句話,如有日政府話要發新牌,炒家真係可以冇仇報。當然,以今時今日環境,無論政治上抑或政策上,政府都唔會發新牌。所以的士牌數目,應該冇乜不穩定因素。
加起錶價 車租再升
比起炒樓,炒的士牌有一個好處,除無SSD,每份的士牌都係一模一樣,流動性夠高,出貨時唔會因為個別主觀理由畀買家壓價。原則上,影響的士牌價,就只有車租收入;車租收入,就受天然氣價、人工同普遍消費力等各種因素影響。
客觀睇,天然氣價貴,消費力又唔見得強咗好多,尤其通脹下,錢越來越唔見使,不過的士起錶價,又唔係自由浮動,從基礎分析睇,其實好唔着數。老早亦有人話,的士加起錶價,最終都係導致車租再升;亦有人話,車租已經升到有車無人揸。但係,好多車主竟覺得無所謂,因為佢哋等個牌價自然升喎。
我只會用Bill Gross對facebook嘅評價作結:I know it when I see a bubble。
利世民
專欄電郵:SharpHK.Simon@gmail.com
Facebook專頁:www.facebook.com/AppleSimon

爽報 (財經V44, 2012.5.22)

 

原來市區的士牌已炒到576萬元一個,比起十年前升咗9成,比去年同期升兩成七。有人話係大陸資金炒到冇嘢好炒,結果連的士牌都炒得一餐。

樓炒得高,好多人話因信磚頭點都「有渣拿」,但的士牌同樓有少少唔同。一來的士牌只係經營權,換句話,如有日政府話要發新牌,炒家真係可以冇仇報。當然,以今時今日環境,無論政治上抑或政策上,政府都唔會發新牌。所以的士牌數目,應該冇乜不穩定因素。

 

加起錶價 車租再升

比起炒樓,炒的士牌有一個好處,除無SSD,每份的士牌都係一模一樣,流動性夠高,出貨時唔會因為個別主觀理由畀買家壓價。原則上,影響的士牌價,就只有車租收入;車租收入,就受天然氣價、人工同普遍消費力等各種因素影響。

客觀睇,天然氣價貴,消費力又唔見得強咗好多,尤其通脹下,錢越來越唔見使,不過的士起錶價,又唔係自由浮動,從基礎分析睇,其實好唔着數。老早亦有人話,的士加起錶價,最終都係導致車租再升;亦有人話,車租已經升到有車無人揸。但係,好多車主竟覺得無所謂,因為佢哋等個牌價自然升喎。

我只會用Bill Gross對facebook嘅評價作結:I know it when I see a bubble。

 

利世民

專欄電郵:SharpHK.Simon@gmail.com
Facebook專頁:www.facebook.com/AppleSimon

Facebook Comments

Leave a comment