車位好過樓

爽報 (財經V32, 2012.6.27)

 

有位老友,近來手頭鬆動少少,第一件事就諗:「等個市跌番少少,就再供多一層樓收租。」
我:「個市再跌,你又唔係咁諗啦。不過,車位收租真係可以諗諗佢。只要香港城市規劃,繼續政策上結構性歧視車主,限制車位供應。每次車位租金淨回報,只要同市場利率水平相約,我認為都值得買番嚟當儲蓄。」
老友:「不過,車位冇得做按揭,冇槓桿效應喎。如果都係買磚頭,點解唔用同一筆錢做首期,買樓放大升值回報?」我:「我可能年紀大,心態唔同咗,變得更加保守。冇槓桿,我覺得係好事。零利息支出,淨賺租金帶來嘅現金流,我已經心滿意足。資產價格上升,對我嚟講係抗衡通脹,都唔算有賺。借錢冒險嘅最大問題,係回報當中要賺埋人家嗰一份,難度太高,我自問冇把握。」
老友:「你?家真係超保守。當年,你同時揸幾層樓又炒輪,唔係槓桿效果仲犀利咩?」
我:「過去十年,資產價格真正拋物線上升,得兩次。股票係07年,之後就係樓。當時咁勇,我會話非常之咁好彩,我自己都唔擔保有冇下一次。但係有一樣嘢我可以肯定咁講,當你有穩定收入,你就有條件去冒多些少風險。另外,收入越分散,安全系數又再高少少。車位細細件,分散風險都比較易。」
利世民
Facebook專頁:www.facebook.com/AppleSimon

有位老友,近來手頭鬆動少少,第一件事就諗:「等個市跌番少少,就再供多一層樓收租。」

我:「個市再跌,你又唔係咁諗啦。不過,車位收租真係可以諗諗佢。只要香港城市規劃,繼續政策上結構性歧視車主,限制車位供應。每次車位租金淨回報,只要同市場利率水平相約,我認為都值得買番嚟當儲蓄。」

老友:「不過,車位冇得做按揭,冇槓桿效應喎。如果都係買磚頭,點解唔用同一筆錢做首期,買樓放大升值回報?」我:「我可能年紀大,心態唔同咗,變得更加保守。冇槓桿,我覺得係好事。零利息支出,淨賺租金帶來嘅現金流,我已經心滿意足。資產價格上升,對我嚟講係抗衡通脹,都唔算有賺。借錢冒險嘅最大問題,係回報當中要賺埋人家嗰一份,難度太高,我自問冇把握。」

老友:「你?家真係超保守。當年,你同時揸幾層樓又炒輪,唔係槓桿效果仲犀利咩?」

我:「過去十年,資產價格真正拋物線上升,得兩次。股票係07年,之後就係樓。當時咁勇,我會話非常之咁好彩,我自己都唔擔保有冇下一次。但係有一樣嘢我可以肯定咁講,當你有穩定收入,你就有條件去冒多些少風險。另外,收入越分散,安全系數又再高少少。車位細細件,分散風險都比較易。」

 

利世民

專欄電郵:SharpHK.Simon@gmail.com

Facebook專頁:www.facebook.com/AppleSimon

Facebook Comments

Leave a comment