進擊的員外

爽報 (港聞 V10, 2013.07.18)
陳員外啟宗前日狠批財政司曾俊華,唔知就嚇死,知就笑死。嘩,不得了,頭號涼粉竟然咁唔留情面,帶頭抨擊特府。事實上,思歪同鬍鬚嘅矛盾,已越來越表面化。究竟兩個人有乜心病?
思歪從政,目的好簡單,就係落實一國一制,成功令西環成為權力核心之一。至於鬍鬚,作為財政司,佢嘅責任好簡單,就係確保政府機器無論任何環境,都有足夠資源運作,從另一個角度睇,都算係捍衞公務員利益。
先旨聲明,公務員利益同公眾利益,係兩回事,但又未必有抵觸,重點係條線點畫。除非係無政府主義者,否則,大家都會認同,一個正常運作,唔擾民唔諸事八卦、唔做無謂嘢唔低能嘅政府,絕對係大眾福祉。做過生意嘅人亦知道,要知進退要有分寸,任何組織最重要嘅核心價值,就係專注。
自從思歪做特首,政府不止亂,而且亂來。每個區議會發一億,做乜唔知,但一定可以收買地區政演,呢種行為正是思歪特色。一眾涼粉亦有同樣一鋪癮,鍾意用人家嘅錢,換取自己政治本錢。只不過,我勢估唔到,曾經自命係香港納稅人代表、講過香港有普選就係Representation without Taxation嘅陳員外啟宗,竟然都會叫政府揮霍。
講到尾,捍衞一國兩制最強大防線,唔係普選,而係一個錢多嘅庫房;掏空庫房,等於提早一國一制,絕對制唔過。
李兆富

爽報 (港聞 V10, 2013.07.18)

 

陳員外啟宗前日狠批財政司曾俊華,唔知就嚇死,知就笑死。嘩,不得了,頭號涼粉竟然咁唔留情面,帶頭抨擊特府。事實上,思歪同鬍鬚嘅矛盾,已越來越表面化。究竟兩個人有乜心病?

思歪從政,目的好簡單,就係落實一國一制,成功令西環成為權力核心之一。至於鬍鬚,作為財政司,佢嘅責任好簡單,就係確保政府機器無論任何環境,都有足夠資源運作,從另一個角度睇,都算係捍衞公務員利益。

先旨聲明,公務員利益同公眾利益,係兩回事,但又未必有抵觸,重點係條線點畫。除非係無政府主義者,否則,大家都會認同,一個正常運作,唔擾民唔諸事八卦、唔做無謂嘢唔低能嘅政府,絕對係大眾福祉。做過生意嘅人亦知道,要知進退要有分寸,任何組織最重要嘅核心價值,就係專注。

自從思歪做特首,政府不止亂,而且亂來。每個區議會發一億,做乜唔知,但一定可以收買地區政演,呢種行為正是思歪特色。一眾涼粉亦有同樣一鋪癮,鍾意用人家嘅錢,換取自己政治本錢。只不過,我勢估唔到,曾經自命係香港納稅人代表、講過香港有普選就係Representation without Taxation嘅陳員外啟宗,竟然都會叫政府揮霍。

講到尾,捍衞一國兩制最強大防線,唔係普選,而係一個錢多嘅庫房;掏空庫房,等於提早一國一制,絕對制唔過。

 

李兆富

Facebook Comments

Leave a comment