城規會放過洪水橋?

蘋果日報/2018-01-22/城規會放過洪水橋?/ 孫柏文(獅子山學會董事)

孫柏文呢排喺英國讀緊「數碼新聞」嘅課程。其中,要學點樣present啲數據。例如,如果香港政府開放數據,將每年所有新嘅商業登記證(即啲人創業搞新嘢)上所填上嘅地址公佈。

我就可以整個地圖,用Google Map做底,每個地址打粒細點。到時,任何人一睇,就會見到各處嘅密集到,而一眼就知香港人邊區有最多創業。當然,呢個數據政府冇公開。不過由我近十年來聽啲創業嘅朋友傾,如果係寫字樓(即唔係零售、餐飲),香港其中一個創業聖地,就肯定係觀塘。我點解無端端喺到諗呢樣?我問大家,想唔想香港未來、未出世嘅企業,可以有多啲?點解政府聽學者、自己啲政務官、專家,造成城規會咁多年,香港人創業,唔係一蝸風咁去啲瘋狂俾規劃嘅新市鎮「天堂」?而就選租新樓,俾貴租都要去啲舊區?其實,有個好重要嘅原因。就係喺啲舊區嘅商業樓,區中有好多好多業主。唔好話分層,就算一棟單一業主,作為租客,一條街都仲有好多揀。啲業主互相競爭劇烈,鬥到七彩。咁啲城規會新市鎮「天堂」呢(聽聞好快會為洪水橋落筆)?以前,我喺將軍澳選過區議會。就喺將軍澳地鐵站上,有棟近乎當區居民都唔知存在嘅寫字樓商廈。全區唯一,十室九空。對當區冇供獻。不過因樓下超大商場都係同一業主,唔care樓上冇人用。將一個區嘅所有商業樓,俾一個發展商、業主。冇錯,城規會抱住「有就夠」,而唔係引發業主間競爭。DO、AO會覺「管治方便」,賣地時為庫房帶來「壟斷性」水平收益。代價,就係當地人唔會喺嗰到創業。又一失敗規劃。

孫柏文

Facebook Comments

Leave a comment