am730 (大明燈 M29 , 2011.2.14)

上個禮拜當今世上最大兩間央行，美國聯儲局同歐洲央行，發生一令主流意見非常驚嘆事。而孫柏文覺得呢件事好似唔夠篇幅，被人忽略，所以唔講唔得。

因為如果你好似我咁，早已轉戰比港股易炒好多、長升長有美股，而轉戰理由係，一日央行繼續玩量化寬鬆、亂印銀紙，美股繼續升，所以呢央行消息唔跟唔得。

首先，歐洲，歐洲央行話事人特里謝就做完任期，要卸任。咁原先全世界都覺得會係隻德國鷹派，即主張負責任貨幣同政府財政政策，現任德央行行長韋伯(Axel Weber)，十拿九穩接任。

理由好簡單，歐元當年面世前係被譽為德國馬克延續，歐央行亦因會植入德央行恐通貨膨脹，令癲佬希特拉上台DNA，不過到歐元面世後十多年，都未試過有德國人做歐央行行長。

點知在上周，突然德國傳媒開始傳韋伯想升職之際，點知到周末時，德國總理宣布，韋伯將於4月底卸任，他解釋以私人理由呈辭，其後有傳媒指，韋伯不願競逐歐央行行長職位。

睇韋伯，佢一次又一次反對錢四圍派俾住個兜，扮晒慘國家，例如希臘、愛爾蘭、葡萄牙、西班牙……. 仲有遲早輪到意大利及法國等都出問題而伸手。

就係因為咁，我其實係韋伯fan屎。不過，就係因為佢企得咁硬，我之前好期待睇佢點做行長。

一係就點樣教訓浪子國家，一係就點坳底，點樣「身在其位，就要放棄宗旨」呢種能屈能伸技術。點知依家只得個估字。

點都好，德總理要53歲韋伯，於5月前走，應該係想快快手搵過另一個人上台，做德央行行長，然後想搵個德國人，去競逐歐央行下屆主席。

如果真係搵到個新人，佢又唔出名，亂印歐元問題必繼續。如果好似依家主流分析咁，其他國家，例如意大利央行行長做歐央行行長，歐元更會被亂印。

另外一單人士變動，就係花旗國聯儲局由成立以來最後生聯儲局理事，辭職唔做。佢就係凱文沃什(KevinWarsh)。

Warsh係今時今日花旗國，絕無僅有鷹派人，絕對係瀕臨絕種罕見品種。而因為佢由金融海嘯後，一路都係聯儲局主席伯南克身邊極少數反對不斷量化寬鬆人，佢唔做，就等於再量化寬鬆會冇阻力。繼續印，美股繼續升。

不過，我會咁睇，我識唔少人話買同黃金、白銀，會一直做到伯南克下台為止。如果他朝伯南克下台時，真係俾Warsh接任，而佢上台後又學Volcker咁為壓通脹，將利息托到上廿厘。到時候就係大掃特區樓良機啦！