80後的business plans

am730 (大明燈 M31, 2011.8.17)

 

早排如果大家有留意,就係有兩班好有實力人,同時搞創投基金,投資落80後創業大計。第一個基金,就係《am730》主席施永青,透過自己慈善基金搞,另一個就係《商台互動》,同一眾富有創業經營,成功創辦過好多個企業社會前輩搞。其實,大家可能會問:「80後成日被人評為﹃唔掂﹄,佢搞咁,係咪又係低能社企?當做善事,救濟呢人?」
哈!如果你咁講就真係低層次。呢兩個單位,都係我米飯班主,有咁眼光請到我呢才俊,當然係勁,點會做咁低能事,創投基金變做慈善。
兩大基金,應該都係被同一信念推動,就係當市場出現一竹篙打一船人時,市場中就一定有價錢同內在價值出現分歧。至於當呢個分歧夠大時候,就有獲得豐厚利潤機會,就係因為傳媒捧到上天批80後,好多都係搞社運,佢同輩開口話要錢做生意時,分分鐘未開口,你已經話:「非牟利社企?Thanks,but no thanks。」市場有咁歧視,仲唔係尋寶良機?孫柏文我有幸有份參與《商台互動》,叫「80後創百萬夢」創投基金,成為投資者顧問團成員之一,其中一項工作,就係要睇晒所有寄入來計劃書,作第一輪甄選。首先我想講,落筆呢一刻,成組人係未有定案,究竟邊個計劃可以入圍,不過,呢幾日睇咁多份計劃書之後,真係有見解想同寫計劃書人分享一下。
第一,就係可唔可以好簡單咁講你公司做咩呢?簡單成點?例如,如果當年係想搞可口可樂,一句「有汽糖水,解渴」就夠。
如果你係想創辦國泰航空(293),就「坐飛機到目的地,亦安全過坐高鐵」。
甚至係想搞《am730》話,可以話「報紙,好睇,亦唔使錢」。今次,我就撞到唔少寫成版紙,睇完都唔知佢想做乜的計劃書。
第二,就係做財務預測時候,唔好同我講話:「個市場每年就有20億咁大,我會3年內,搶到百分之幾市場佔有率︰︰︰」應該點做?就係「公司請每個每月底薪8,000元sale屎,要每日見7個客,當中要有0.5個成功幫襯買一件產品,公司就會有盈利,因為毛利率有︰︰︰」其實仲有好多關於寫start up計劃書建議,不過,呢兩個就真係我覺得最緊要。
最後,我知道大家可能都好關心我有份做嘉賓電視節目,近來最新發展。噚日,大家可能都有睇到前輩胡孟青(青姐)周二在《am730》篇文章。今日,我很想同青姐講一句:「I am just keeping your chairwarm,hoping and praying for yourswift return。」

早排如果大家有留意,就係有兩班好有實力嘅人,同時搞創投基金,投資落啲80後嘅創業大計。第一個基金,就係《am730》主席施永青,透過自己慈善基金搞嘅,另一個就係《商台互動》,同一眾富有創業經營,成功創辦過好多個企業嘅社會前輩搞嘅。其實,大家可能會問:「80後成日被人評為『唔掂』,佢嘅搞啲咁嘅嘢,係咪又係嗰啲低能社企?當做善事,救濟吓呢啲人?」

 

哈!如果你咁講就真係低層次。呢兩個單位,都係我嘅米飯班主,有咁嘅眼光請到我呢啲才俊,當然係勁,點會做啲咁低能嘅事,創投基金變做慈善。

兩大基金,應該都係被同一信念推動,就係當市場出現一竹篙打一船人時,市場中就一定有啲價錢同內在嘅價值出現分歧。至於當呢個分歧夠大嘅時候,就有獲得豐厚利潤嘅機會,就係因為傳媒捧到上天嘅嗰批80後,好多都係搞社運,佢嘅啲同輩開口話要錢做生意時,分分鐘未開口,你已經話:「非牟利社企?Thanks,but no thanks。」市場有咁嘅歧視,仲唔係尋寶良機?孫柏文我有幸有份參與《商台互動》,叫「80後創百萬夢」嘅創投基金,成為投資者顧問團成員之一,其中一項工作,就係要睇晒所有寄入來嘅計劃書,作第一輪甄選。首先我想講,落筆呢一刻,成組人係未有定案,究竟邊個計劃可以入圍,不過,呢幾日睇咗咁多份計劃書之後,真係有啲見解想同啲寫計劃書嘅人分享一下。

第一,就係可唔可以好簡單咁講你公司做咩口架呢?簡單成點?例如,如果當年係想搞可口可樂,一句「有汽糖水,解渴」就夠。

如果你係想創辦國泰航空(293),就「坐飛機到目的地,亦安全過坐高鐵」。

甚至係想搞《am730》話,可以話「報紙,好睇,亦唔使錢」。今次,我就撞到唔少寫成版紙,睇完都唔知佢想做乜的計劃書。

第二,就係做財務預測嘅時候,唔好同我講話:「個市場每年就有20億咁大,我哋會喺3年內,搶到百分之幾嘅市場佔有率………」應該點做?就係「公司請每個每月底薪8,000元嘅sale屎,要每日見7個客,當中要有0.5個成功幫襯買一件產品,公司就會有盈利,因為毛利率有………」其實仲有好多關於寫start up計劃書嘅建議,不過,呢兩個就真係我覺得最緊要。

最後,我知道大家可能都好關心我有份做嘉賓嘅電視節目,近來嘅最新發展。噚日,大家可能都有睇到前輩胡孟青(青姐)周二在《am730》篇文章。今日,我很想同青姐講一句:「I am just keeping your chairwarm,hoping and praying for yourswift return。」

 

Facebook Comments

Leave a comment