am730 (大明燈 M31, 2011.9.05)

上周五，花旗國股市收市後，如果唔知發生咩事人，必定估六月飛霜，因滿天係白色。見美國政府泵呢白色時，估係咪又申辦冬季奧運會，要示範佢人造雪有幾勁，就暑假最後周末漫天風雪。但睇真原來唔係雪，係一封封律師信。係花旗國政府正式代表兩房控告多間銀行，因當年樓市泡沫最瘋狂時，將好多狗屎(唔好鬧孫柏文粗俗，唔係我咁叫，係投行內部咁叫呢產品及債券)、垃圾賣俾兩房當補品。但美國政府唔呢刻告又唔得，因剩番幾日就過告期限，故有理冇理掟律師信出來，霸番個控告權先。你諗，如政府連告都唔告，全美造反都似，總統奧巴馬簡直為連任機會簽死亡證一樣。呢場官司聲稱牽涉按揭值約2,000億元，做，在所難免。

政府時間上逼虎跳牆，有冇勝算好難講，兩房雖非唔係每日畢打街喊」 還錢「級投資單位，但一旦法庭來料，起碼俾得起錢銀行，就可能要賠。最少可能要原價贖回加罰款。講起俾得起銀行，被告得最甘係美國銀行，但佢冇錢，告佢都冇乜用。就算政府贏，都要再代表財政部注資入美銀，成場大龍鳳，只益律師。睇名單，就有間銀行幾年前因有骨氣，唔政府錢而被官員們覺得有得，呢間就係豐控股(005)。

依家美國就為當年值62億美元按揭而告控，一旦控敗訴時，要為呢批按揭全面撇帳，直接蝕股東資本。提提大家係，當年28蚊供股，都係向股東籌185億美元。控派息又要凍過水？大家可能話：」 點解呢咁美國按揭，搞極都未掂？「其實，我落筆時唔知控股價有冇受呢單官司影響而下挫。雷曼爆陣，我曾話用行政手段救雷曼苦主係」 低能「原因，係金融海嘯一路係大家唔知或唔肯認自己手上資產值幾多，但仲知欠人幾多錢。呢場官司最危險係，當一眾銀行敗訴，要為所有已出售按揭賠錢，有冇人知佢會欠人幾多錢？以漢堡包店為例，上限為因雪櫃壞要報銷手上存貨。今次卻要為所有賣過漢堡包負責，死未？

如果連兩房都可以話自己係」 畢打街長期示威者「級投資者時，咁有邊個可被標籤為專業投資者，明知買垃圾，但希望博一博？呢投資者就著數晒啦，買完垃圾，冇事贏大錢，有事又可跟兩房有錢賠。下次有信貸泡沫時，連澳元累計期權都唔好炒，買呢垃圾產品安全。

德國國會要為希臘救市方案投票而忐忑，我深表明白。因為得錢，就希望番，如小島、資產或收稅權等，香港用詞係割地、賠款和宗主權。子彈、火炮或坦克車幾百年來都做唔到，一場為救銀行家而出力救市行動就得。你話30年後香港冇錢好似希臘時(工聯會及李卓人話全民包括富豪退休人人派錢方案可維持30年)，北京立法單位去」 救「我刻，議員心情係咪一樣咁忐忑呢？

作者為前石油業證券分析員，視股市為終生學習，不斷交學費。