金融一條針:勤力得過資本?

爽報 (財經V30, 2012.2.3)

呢幾日,同好多人辯論財政預算案應唔應該派錢。支持派錢一邊,好多人都話:「好多人勤力工作,政府點解唔可以派錢,畀少少回報佢哋?」
首先,呢個想法非常危險,政府唔會為資本增值。派錢,一定喺某些人身上面攞。
「你即係話,納稅人連少少都唔肯分出嚟?」派錢支持者另一謬誤,就係以為納稅人孤寒。老實講,我公開亦寫過好多次,香港好多人雖牙痛咁聲,但稅係已出之物,絕對無話預咗要攞番。
最重要一點,就係香港政府最重要嘅收入,係土地收入;成個土地價值鏈入面,乜嘢人最傷,唔使我多講啦!所以要政府派錢,其實就係喺百上加斤嘅人身上,擠出價值,然後再分配。但唔好忘記,中間有好多人可以過水濕腳,呢班人,肯定唔係我哋口中嘅基層。
「就因為咁,所以政府更加要幫吓基層啦!」慘,永遠都係好動聽嘅理由。不過,派錢,可以幫到幾多呢?派錢,可以幫到人脫貧咩?
等運到=放棄脫貧
我想問問大家,點解有啲人,可以由基層做上去?點解又有人,做成世都係做同一樣嘢?呢個問題,牽涉到價值觀嘅問題。如果你相信,成功與否嘅最大分別係運氣,咁我就明白,點解你會覺得財政預算案係一次大抽獎。
我唔敢講自己完全唔信運氣,有人出生有缺陷,有人遭逢不幸,我哋要幫。但絕大多數人,機會係均等。成功嘅人,除咗避免極大嘅不幸,好大程度係因為自己努力。
「努力?佢哋有幾努力呀?」好多人以為,上咗岸就可以hea住做。實情係,上咗岸嘅人比其他人更加落力。更有好多人以為,努力就係死做爛做。
以前啲人會話:「新界隻牛夠勤力啦!」 努力,除咗工時長短,更重要係點樣將手上嘅工作,做得更好、更快、更多、更叻。今日新界無晒啲牛,不過我會同班成日諗住不勞而獲嘅人講:資本24小時乘7日(24x7)運作,你夠唔夠資本勤力?要駕馭資本,就係要明白價值係可由人創造出來。雖然資本24x7運作,但唔識得破舊立新。一旦以為價值係由外物所賦予,人就會被資本駕馭。等派錢、等運到,就係等於放棄脫貧。
利世民
專欄電郵:SharpHK.Simon@gmail.com
Facebook專頁:www.facebook.com/AppleSimon
呢幾日,同好多人辯論財政預算案應唔應該派錢。支持派錢一邊,好多人都話:「好多人勤力工作,政府點解唔可以派錢,畀少少回報佢哋?」

首先,呢個想法非常危險,政府唔會為資本增值。派錢,一定喺某些人身上面攞。「你即係話,納稅人連少少都唔肯分出嚟?」派錢支持者另一謬誤,就係以為納稅人孤寒。老實講,我公開亦寫過好多次,香港好多人雖牙痛咁聲,但稅係已出之物,絕對無話預咗要攞番。
最重要一點,就係香港政府最重要嘅收入,係土地收入;成個土地價值鏈入面,乜嘢人最傷,唔使我多講啦!所以要政府派錢,其實就係喺百上加斤嘅人身上,擠出價值,然後再分配。但唔好忘記,中間有好多人可以過水濕腳,呢班人,肯定唔係我哋口中嘅基層。
「就因為咁,所以政府更加要幫吓基層啦!」慘,永遠都係好動聽嘅理由。不過,派錢,可以幫到幾多呢?派錢,可以幫到人脫貧咩?

等運到=放棄脫貧

我想問問大家,點解有啲人,可以由基層做上去?點解又有人,做成世都係做同一樣嘢?呢個問題,牽涉到價值觀嘅問題。如果你相信,成功與否嘅最大分別係運氣,咁我就明白,點解你會覺得財政預算案係一次大抽獎。
我唔敢講自己完全唔信運氣,有人出生有缺陷,有人遭逢不幸,我哋要幫。但絕大多數人,機會係均等。成功嘅人,除咗避免極大嘅不幸,好大程度係因為自己努力。
「努力?佢哋有幾努力呀?」好多人以為,上咗岸就可以hea住做。實情係,上咗岸嘅人比其他人更加落力。更有好多人以為,努力就係死做爛做。
以前啲人會話:「新界隻牛夠勤力啦!」 努力,除咗工時長短,更重要係點樣將手上嘅工作,做得更好、更快、更多、更叻。今日新界無晒啲牛,不過我會同班成日諗住不勞而獲嘅人講:資本24小時乘7日(24x7)運作,你夠唔夠資本勤力?要駕馭資本,就係要明白價值係可由人創造出來。雖然資本24x7運作,但唔識得破舊立新。一旦以為價值係由外物所賦予,人就會被資本駕馭。等派錢、等運到,就係等於放棄脫貧。
利世民專欄電郵:SharpHK.Simon@gmail.com
Facebook專頁:www.facebook.com/AppleSimon

Facebook Comments

Leave a comment