ABC博弈論

爽報 (財經V31, 2012.2.29)

 

特首之位爭奪戰,提名期今日就完結。吹水圈中人,好多人都話:「淨係得呢三個候選人,你話嘞,有得揀定係冇得揀先?真係你老闆吖!」
「其實,點解唔諗吓鐵頭呢?鐵頭有鐵票,分分鐘可以第一輪踢一件出局喎!」我話。
「你講吓就係咩?北京又點會畀鐵頭做特首呀?」吹水朋友反駁。
空穴來風 撐狼有因
好,又係時候到我嘅拿手好戲「博弈論」出場。博弈論精妙之處,就係先諗結局,然後由尾到頭諗策略。到現時為止,特首之位爭奪戰,理論上可以有四個結局:1,豬勝;2,狼勝;3,鐵頭勝;4,流局。
另外,有份影響選委投票意向嘅力量主要係:A,北京;B,香港「獻世派」;C,大財團;D,民主派。
流局,對大眾,無乜所謂。對北京,最最最下算,一定係流局!因為流局嘅結果,只會令本來已經表面化嘅十八大紛爭,更加表面化。而且,假如「獻世派」同大財團再分裂落去,北京以後都好難再用呢一班扯線公仔,去影響香港。
豬勝,我好難想像,之後幾年特區點樣管治落去。呢個結局,對北京,對獻世派,甚至大財團都唔好。民主派當然可以繼續做在野反對黨,又唔使負責,一味繼續鬧。
狼勝,「獻世派」終於有人可以名正言順做「執野黨」,在野執政黨也!對民主派最無利,對大財團亦然。北京嘛,反正狼特首一樣聽話,而且佢唔需要好似豬,要照顧香港班酒肉朋友。所以,前日《蘋果》頭條話北京最終可能出手撐狼,空穴來風,未必無因。
最後,鐵頭勝。北京會唔會失去對香港嘅控制呢?我就話唔會囉!「獻世派」反串做反對黨又得唔得呢?好似又幾好喎。對大財團嚟講,鐵頭雖然左左哋,但係勝在Harmless,而且Highly Predictable。即係話,照道理推斷,鐵頭勝先至係當前一個可行又穩定嘅結局。
再者,鐵頭做特首,即係公務員話事。大家都寧願信制度,多過信人,係咪?
豬難穩勝 試谷鐵頭
如果你係ABC,我覺得係時候幫鐵頭打打氣。豬營朋友,試諗吓,如果鐵頭第一輪出局,到時啲游離票加「獻世派」,你哋夠唔夠飛畀豬勝出第二輪?不如趁?家,第一輪谷飛畀鐵頭,第一輪了結,一了百了。
鐵頭,我都唔該你振作啦!你係候選人嚟㗎!唔好當自己係時事評論員,好唔好?
利世民
專欄電郵:SharpHK.Simon@gmail.com
Facebook專頁:www.facebook.com/AppleSimon

特首之位爭奪戰,提名期今日就完結。吹水圈中人,好多人都話:「淨係得呢三個候選人,你話嘞,有得揀定係冇得揀先?真係你老闆吖!」

「其實,點解唔諗吓鐵頭呢?鐵頭有鐵票,分分鐘可以第一輪踢一件出局喎!」我話。

「你講吓就係咩?北京又點會畀鐵頭做特首呀?」吹水朋友反駁。

 

空穴來風 撐狼有因

好,又係時候到我嘅拿手好戲「博弈論」出場。博弈論精妙之處,就係先諗結局,然後由尾到頭諗策略。到現時為止,特首之位爭奪戰,理論上可以有四個結局:1,豬勝;2,狼勝;3,鐵頭勝;4,流局。

另外,有份影響選委投票意向嘅力量主要係:A,北京;B,香港「獻世派」;C,大財團;D,民主派。

流局,對大眾,無乜所謂。對北京,最最最下算,一定係流局!因為流局嘅結果,只會令本來已經表面化嘅十八大紛爭,更加表面化。而且,假如「獻世派」同大財團再分裂落去,北京以後都好難再用呢一班扯線公仔,去影響香港。

豬勝,我好難想像,之後幾年特區點樣管治落去。呢個結局,對北京,對獻世派,甚至大財團都唔好。民主派當然可以繼續做在野反對黨,又唔使負責,一味繼續鬧。

狼勝,「獻世派」終於有人可以名正言順做「執野黨」,在野執政黨也!對民主派最無利,對大財團亦然。北京嘛,反正狼特首一樣聽話,而且佢唔需要好似豬,要照顧香港班酒肉朋友。所以,前日《蘋果》頭條話北京最終可能出手撐狼,空穴來風,未必無因。

最後,鐵頭勝。北京會唔會失去對香港嘅控制呢?我就話唔會囉!「獻世派」反串做反對黨又得唔得呢?好似又幾好喎。對大財團嚟講,鐵頭雖然左左哋,但係勝在Harmless,而且Highly Predictable。即係話,照道理推斷,鐵頭勝先至係當前一個可行又穩定嘅結局。

再者,鐵頭做特首,即係公務員話事。大家都寧願信制度,多過信人,係咪?

 

豬難穩勝 試谷鐵頭

如果你係ABC,我覺得係時候幫鐵頭打打氣。豬營朋友,試諗吓,如果鐵頭第一輪出局,到時啲游離票加「獻世派」,你哋夠唔夠飛畀豬勝出第二輪?不如趁?家,第一輪谷飛畀鐵頭,第一輪了結,一了百了。

鐵頭,我都唔該你振作啦!你係候選人嚟㗎!唔好當自己係時事評論員,好唔好?

 

利世民

專欄電郵:SharpHK.Simon@gmail.com
Facebook專頁:www.facebook.com/AppleSimon

Facebook Comments

Leave a comment