亞當斯密幫你追女仔

信報 (經管智慧 B15, 2013.03.13)

 

獅子山學會按:宣揚自由主義不一定要用硬繃繃的經濟學大道理。Ayn Rand的小說,比起米賽斯佛利民的經濟學巨著,讓更多人明白自由和國家主義(Statism)之間的矛盾關係。本會新晉作家史物夫,把亞當斯密的著作讀得滾瓜爛熟,以小說手法闡釋追女仔的《道德情操論》,特此呈獻。

街邊太多人與車,繁華鬧市人醉夜。彌敦道,晚上,一支啤酒,兩個龍友,散發空虛。阿強嗰樣睇落去好苦悶,作為朋友,我上前慰問佢。

「阿強,發生咩事啊?」我輕輕地說。

「毒男三寶窮毒頹我樣樣都有,我想結婚,搵個女朋友,又想置業,唔知點算好。」阿強語帶無奈地說,心中輕輕一唱……。

多少往事甜在心頭,夜雨觸發這景致,令我憂愁……。

「點解你唔試下申請橋底屋呢?」我略帶疑問,想幫下佢。

汀九橋嗰邊……橋底

「你係唔係傻架?你叫人點寫地址?唔通寫『西九龍大角咀楓樹街天橋底』,你叫我點追女仔?人哋問你住邊,『無啊,我住汀九橋嗰邊……』,之後好細聲講『橋底』咁霸氣啊,咁同好大聲講話自己係HKU,最後好細聲講Space有番少少S音有咩分別啊?整個政策都傻嘅!我真係好想追女仔。」說完這句之後,阿強無再出聲,輕輕低着頭,嘆氣。

浪子,從來往往是大時大節,新年、復活、清明、萬聖節也是一支啤酒,流落街頭,在尖沙咀彌敦道、銅鑼灣時代廣場,眾人皆醉我獨醒,見到人地喺中環喴嘩鬼叫嘅時候,浪子就攞住一把木劍在彌敦道街頭彈下彈下,見證港英一百五十年的統治,劃時代的空虛感,身上仍然會有生力、金威、喜力、滙豐,依幾隻股票常伴左右。

咪住!唔好再扮嘢啦,你想唔想追女仔先!想嘅,就好似花旗銀行財務咁等Adam Smith 幫你啦,我地依啲好好,借完唔使你還。

「人與人之間溝通的來源是同理心,這種同情是指分享別人的快樂和哀愁,哪怕是十惡不赦的壞蛋,只要去除妒忌和不快的情感,我們也能夠分享他們的快樂或者痛苦。」—Adam Smith 每一個人都想受到別人的重視,由於女仔本身天性是感情豐富,引女仔愉快的情感,就是懷慨、仁慈、和善、朋友友愛和尊敬。人類幸福的主要來源,不是有車、有樓、有錢老公、嫁入豪門,而是朋友之間的關愛;前者是短期性,曇花一現,擁有了就很難再產生同樣的情感;舉例,買了新車,例如波子,購置了最多一年,就不會為擁有新車而高興;而後者,是一種長期的關心和快樂,是發自內心的喜悅和情感,這種情感是女仔都十分喜愛。

所以,和女仔相處,首先,要重視她、緊張她、關心她,就容易能夠做到朋友,發展成戀人則是比較其次的問題。

當認識女仔的時候,要經常微笑,因為我們分享歡樂易,分享患難難。然而,始終,我們是很容易同情別人的歡樂而不是悲傷。因此,當有日遇上不如意事時,請勿抱怨,在女性的角度內看,這個男仔是軟弱無能,向女仔展現自己的堅強和克服困難的能力更能獲得好感。由於感情豐富的人本身就是沒有安全感,愈能夠展現自己樂觀積極、正直、有能力、保護別人的一面就令佢覺得stable,自自然然產生好感。

Jesus=Hope

追女仔依樣嘢,同奧巴馬嘅Slogan Title係一樣,如果你象徵到自己係個Hope,你就可以很快脫離浪子行列,準備排隊入紅綿路註冊。大佬,只要你有強烈嘅belief show到俾人你代表Hope 或者Future,個啲咩打「電話俾女仔使唔使要夜晚」、「自己係唔係要有首期先可以有追女仔入場券」嘅 facts,
「點樣擺酒擺得靚」嗰啲 values 根本唔重要。

不論男仔女仔,每一個人,都喜歡那些對將來有希望的人,正正因有對將來有希望,我們可以減少現在的傷痛,忘記過去不快的事情,把今天的努力投射在未來,正如,點解咁多人會信耶穌啊?

因為不論有無宗教信仰都好,我哋有意無意都喜歡成日搵佢,因為Jesus = Hope。所以,祝你哋成功啦,希望努力改變自己!

樂觀積極,是為根本。In the name of my mother, and of her son, and the Wealth of Nations—Adam

 

獅子山學會小說散文作者

史物夫