特首今日打公屋富戶吧!

am730( 大明燈 M36, 2011.10.12)

 

今日係特首曾蔭權最後一份施政報告出爐嘅日子,孫柏文作為公共政策智庫獅子山學會嘅研究總監,撰稿已經第六年,年年施政報告嗰日,都會喺專欄講出我嘅希望,雖然冇鋪「中」,不過我都仲對今日嗰份施政報告有期望。
相信大家作為我支《大明燈》嘅fan屎,都知道我對政府「做嘢」一向好反感。因為往往想為某群人出手時,最終受害嘅就係原本想幫嗰班人。
最好例子,就係政府早前順應啲不吃人間煙火嘅議員、社運分子話,為住客「加強監管」舊樓劏房,令劏房供應暴跌,租金飆升。迫晒嗰啲勢不低頭,想留喺市區博上位、人窮志不窮嘅一群,都要聽啲社工、議員話,搬去天水圍、東涌公屋,「行使福利人權」。
又或者一啲福利政策出台,令人性決定扭曲。最好嘅例子,當然就係嗰啲大學生,趁住冇入息、零資產,就去輪公屋,快快趣趣納間凶宅,擺到明無瞓街壓力,都要攞張申請居屋嘅特快證。
其實,如果政府可以開條數,俾我哋呢啲被人撳住搶嘅納稅人知道,究竟香港各間大學,每間每年有幾多個學生屈機攞公屋著數,就好喇,起碼有個知字,究竟邊間最多廢青。
我哋香港人就最慷慨,你有難,我哋一定幫得就幫。不過千祈唔好老奉,覺得搵我哋良心笨係好醒,更加唔好覺得我哋呢啲納稅人俾錢搞福利係你嘅人權。廢青、社運友聽住,It’s not a right, it’s a privilege。
所以,就算我幾可憐啲廢青都好,我最討厭始終都係公屋富戶。公屋唔係人權,你班議員、官員話要向公屋居民同輪候緊嘅人交代,咁我哋呢?我哋納稅人呢?多唔好講,點解富戶唔踢走?
政府查我收入,抽我稅時就少一蚊都要拉去坐監,嗰啲搵菲、印傭返公屋單位開開水喉,run run個水錶,扮有住個單位嘅無賴就繼續「行使基本住屋人權」。
所以,我對曾特首最後一份嘅施政報告,同大家一樣,根據調查,我哋最關注嘅係房屋政策,我就要政府迫走嗰啲富戶。
首先,好似交稅咁,每年audit,報漏收入要坐監。跟住唔好同我講「已經收緊市值租金」,因為冇公開拍賣過,只係利益輸送,所以我要求所有聲稱交「市值租金」嘅公屋單位,即時攞出來,俾所有有居留權嘅港人競投。
以一年生、一年死嘅租約租出。等我哋知道,咩先係市值租金。仲有,租約完結時,政府可以收番,因為已經趕走咗啲無賴富戶,真正有需要嘅人就可以上樓。
我唔知道今日政府會唔會嚴打公屋富戶,不過,我諗我都係唔會講中,可能留待下任特首先再算。強政勵治?唉。

今日係特首曾蔭權最後一份施政報告出爐嘅日子,孫柏文作為公共政策智庫獅子山學會嘅研究總監,撰稿已經第六年,年年施政報告嗰日,都會喺專欄講出我嘅希望,雖然冇鋪「中」,不過我都仲對今日嗰份施政報告有期望。

相信大家作為我支《大明燈》嘅fan屎,都知道我對政府「做嘢」一向好反感。因為往往想為某群人出手時,最終受害嘅就係原本想幫嗰班人。

 

最好例子,就係政府早前順應啲不吃人間煙火嘅議員、社運分子話,為住客「加強監管」舊樓劏房,令劏房供應暴跌,租金飆升。迫晒嗰啲勢不低頭,想留喺市區博上位、人窮志不窮嘅一群,都要聽啲社工、議員話,搬去天水圍、東涌公屋,「行使福利人權」。

又或者一啲福利政策出台,令人性決定扭曲。最好嘅例子,當然就係嗰啲大學生,趁住冇入息、零資產,就去輪公屋,快快趣趣納間凶宅,擺到明無瞓街壓力,都要攞張申請居屋嘅特快證。

其實,如果政府可以開條數,俾我哋呢啲被人撳住搶嘅納稅人知道,究竟香港各間大學,每間每年有幾多個學生屈機攞公屋著數,就好喇,起碼有個知字,究竟邊間最多廢青。

我哋香港人就最慷慨,你有難,我哋一定幫得就幫。不過千祈唔好老奉,覺得搵我哋良心笨係好醒,更加唔好覺得我哋呢啲納稅人俾錢搞福利係你嘅人權。廢青、社運友聽住,It’s not a right, it’s a privilege。

所以,就算我幾可憐啲廢青都好,我最討厭始終都係公屋富戶。公屋唔係人權,你班議員、官員話要向公屋居民同輪候緊嘅人交代,咁我哋呢?我哋納稅人呢?多唔好講,點解富戶唔踢走?

政府查我收入,抽我稅時就少一蚊都要拉去坐監,嗰啲搵菲、印傭返公屋單位開開水喉,run run個水錶,扮有住個單位嘅無賴就繼續「行使基本住屋人權」。

所以,我對曾特首最後一份嘅施政報告,同大家一樣,根據調查,我哋最關注嘅係房屋政策,我就要政府迫走嗰啲富戶。

首先,好似交稅咁,每年audit,報漏收入要坐監。跟住唔好同我講「已經收緊市值租金」,因為冇公開拍賣過,只係利益輸送,所以我要求所有聲稱交「市值租金」嘅公屋單位,即時攞出來,俾所有有居留權嘅港人競投。

以一年生、一年死嘅租約租出。等我哋知道,咩先係市值租金。仲有,租約完結時,政府可以收番,因為已經趕走咗啲無賴富戶,真正有需要嘅人就可以上樓。

我唔知道今日政府會唔會嚴打公屋富戶,不過,我諗我都係唔會講中,可能留待下任特首先再算。強政勵治?唉。

 

Facebook Comments

Leave a comment