炒供求?

爽報 (財經V34, 2012.2.9)

 

孫柏文非常雀躍咁講:「我刪晒個白銀戰隊facebook Page嘅留言!」
我問:「你畀人鬧呀?」
孫柏文:「班人喺個Page貼埋啲乜嘢郵票呀!紀念鈔票呀!大佬,點解加入白銀戰隊先?就係因為唔信人類印出嚟嘅嘢吖嘛!」
早兩日我見到有報道話,渣打150周年紀念鈔及澳門龍年紀念鈔,都被內地客炒起;一張100蚊紙,炒到成150蚊張(溢價50%),三連張去到成600蚊(面值300蚊,溢價100%)。
如果呢篇文得一個訊息,請你務必記得:泡沫經濟裏面,除咗股票同地產,通常都有好多古靈精怪嘅炒風,好多時亦都係有價無市。
記得回歸前,1994年2元硬幣都有得炒,據說曾經有人以8蚊收購。理由?流通量細喎!08年北京奧運,曾經都出現過紀念鈔票被炒上180倍。
「大風到垃圾都吹得起」
「炒供求嘛!供應有限,自然有長遠升值潛力啦!」好多人都會迷信呢個講法。我先唔去質疑供應有限呢個講法,不過,需求又係乜?點解有人會信?一張一百蚊紙,竟然可以有五成甚至更高嘅溢價?
對貨幣政策有認識嘅朋友,就知道當錢嘅流通量增加,價格就自然上升;當錢嘅流通量不斷增加,價格就會不斷上升,呢個現象,就係通脹。通脹,鈔票購買力不斷被削弱,起初消費者未必察覺得到問題。慢慢越來越多人發覺,生活越來越艱難,但身邊又有朋友因為資產上升無端富貴,佢哋就會開始諗:「點解有人可以靠炒賣發達?」
投機者最初炒股、炒樓等大路資產。之後越來越多人加入,被炒起嘅資產也越來越偏門。最後,乜都可以被炒起。明眼人就睇得出,呢類炒風,差唔多次次都係泡沫末期嘅訊號。其實,股票市場裏面,都有類似講法。我記得青姐胡孟青好鍾意講:「大風到垃圾都吹得起。」
白銀同黃金,又有乜嘢分別?其實銅都曾經係貨幣基礎。所以當金、銀,甚至銅都被炒上,金甲蟲就會話:「過去幾千年,金屬都係人類嘅貨幣。央行狂發鈔票,自然會有人買金銀銅保值。
究竟金銀銅仲有無貨幣功能呢?又或者大家諗多咗,其實金銀銅一樣有投機泡沫呢?
利世民
專欄電郵:SharpHK.Simon@gmail.com
Facebook專頁:www.facebook.com/AppleSimon

孫柏文非常雀躍咁講:「我刪晒個白銀戰隊facebook Page嘅留言!」



我問:「你畀人鬧呀?」

孫柏文:「班人喺個Page貼埋啲乜嘢郵票呀!紀念鈔票呀!大佬,點解加入白銀戰隊先?就係因為唔信人類印出嚟嘅嘢吖嘛!」

早兩日我見到有報道話,渣打150周年紀念鈔及澳門龍年紀念鈔,都被內地客炒起;一張100蚊紙,炒到成150蚊張(溢價50%),三連張去到成600蚊(面值300蚊,溢價100%)。

如果呢篇文得一個訊息,請你務必記得:泡沫經濟裏面,除咗股票同地產,通常都有好多古靈精怪嘅炒風,好多時亦都係有價無市。

記得回歸前,1994年2元硬幣都有得炒,據說曾經有人以8蚊收購。理由?流通量細喎!08年北京奧運,曾經都出現過紀念鈔票被炒上180倍。

「大風到垃圾都吹得起」

「炒供求嘛!供應有限,自然有長遠升值潛力啦!」好多人都會迷信呢個講法。我先唔去質疑供應有限呢個講法,不過,需求又係乜?點解有人會信?一張一百蚊紙,竟然可以有五成甚至更高嘅溢價?

對貨幣政策有認識嘅朋友,就知道當錢嘅流通量增加,價格就自然上升;當錢嘅流通量不斷增加,價格就會不斷上升,呢個現象,就係通脹。通脹,鈔票購買力不斷被削弱,起初消費者未必察覺得到問題。慢慢越來越多人發覺,生活越來越艱難,但身邊又有朋友因為資產上升無端富貴,佢哋就會開始諗:「點解有人可以靠炒賣發達?」

投機者最初炒股、炒樓等大路資產。之後越來越多人加入,被炒起嘅資產也越來越偏門。最後,乜都可以被炒起。明眼人就睇得出,呢類炒風,差唔多次次都係泡沫末期嘅訊號。其實,股票市場裏面,都有類似講法。我記得青姐胡孟青好鍾意講:「大風到垃圾都吹得起。」

白銀同黃金,又有乜嘢分別?其實銅都曾經係貨幣基礎。所以當金、銀,甚至銅都被炒上,金甲蟲就會話:「過去幾千年,金屬都係人類嘅貨幣。央行狂發鈔票,自然會有人買金銀銅保值。」究竟金銀銅仲有無貨幣功能呢?又或者大家諗多咗,其實金銀銅一樣有投機泡沫呢?

 

利世民

專欄電郵:SharpHK.Simon@gmail.com

Facebook專頁:www.facebook.com/AppleSimon

 

Facebook Comments

Leave a comment