的士大佬經濟智慧

爽報 (財經V30, 2012.3.21)
回流兩個月,冇揸車。雖未至於出入坐的士,但搭的士次數多,發覺不但方便,朋友敍舊飲吓酒,又唔使煩泊車;最重要可從的士大佬口中,捕捉市場行情。
司機:「幾呢年越來越難做,石油氣貴,車租一路加。以前都可搵到七八千。但幾呢年越來越少,六千左右已偷笑。」世民:「的士好似話加價,對你哋有無幫助?」司機:「無用㗎!呢頭加價,嗰頭加租。不過我哋60開外,揸咗廿幾年的士,再做幾年就退休,搵少啲都無所謂。做保安,我哋唔夠後生爭。惟有慳啲,但?家物價好貴,食個早餐都要30蚊。」世民:「?家生活艱難,定係02年嗰時艱難啲?」司機:「嗰時無咁艱難。至少必需品好平,的士租又平。」
的士大佬未必識講通脹因太多鈔票追逐太少貨物,但從佢口中得知過去18個月,的士車租加價甚厲害,同期的士牌亦被炒高。香港的士業係好特別嘅市場,供應限制比土地更緊。基本上,已好多年無發新的士牌。套用輿論嗰句,呢個係高的士牌價政策。
世民:「你贊唔贊成多發新的士牌?如每個司機都有自己嘅牌,就無人捱貴租啦!」我好想知道,呢位的士大佬會唔會學廢青政客一樣,自己上唔到車就要搞到車毀人亡先高興。司機:「梗係行唔通啦!一來,班牌主點會肯呢?二來,一街都係的士,我哋生活咪更艱難。」大隱於市,但佢明白呢個係搵食嘅代價。
資金泛濫,甚至到爛賤水平,其他生產因素市場就會被扭曲。但扭曲唔可能永無止境。我留意到的士司機平均年齡上升,意味呢行唔吸引,總有日到臨界點要減租求司機。當的士牌回報越來越低,就知個周期越來越近尾聲。
利世民
專欄電郵:SharpHK.Simon@gmail.com
Facebook專頁:www.facebook.com/AppleSimon

爽報 (財經V30, 2012.3.21)

 

回流兩個月,冇揸車。雖未至於出入坐的士,但搭的士次數多,發覺不但方便,朋友敍舊飲吓酒,又唔使煩泊車;最重要可從的士大佬口中,捕捉市場行情。

司機:「幾呢年越來越難做,石油氣貴,車租一路加。以前都可搵到七八千。但幾呢年越來越少,六千左右已偷笑。」世民:「的士好似話加價,對你哋有無幫助?」司機:「無用㗎!呢頭加價,嗰頭加租。不過我哋60開外,揸咗廿幾年的士,再做幾年就退休,搵少啲都無所謂。做保安,我哋唔夠後生爭。惟有慳啲,但?家物價好貴,食個早餐都要30蚊。」世民:「?家生活艱難,定係02年嗰時艱難啲?」司機:「嗰時無咁艱難。至少必需品好平,的士租又平。」

的士大佬未必識講通脹因太多鈔票追逐太少貨物,但從佢口中得知過去18個月,的士車租加價甚厲害,同期的士牌亦被炒高。香港的士業係好特別嘅市場,供應限制比土地更緊。基本上,已好多年無發新的士牌。套用輿論嗰句,呢個係高的士牌價政策。

世民:「你贊唔贊成多發新的士牌?如每個司機都有自己嘅牌,就無人捱貴租啦!」我好想知道,呢位的士大佬會唔會學廢青政客一樣,自己上唔到車就要搞到車毀人亡先高興。司機:「梗係行唔通啦!一來,班牌主點會肯呢?二來,一街都係的士,我哋生活咪更艱難。」大隱於市,但佢明白呢個係搵食嘅代價。

資金泛濫,甚至到爛賤水平,其他生產因素市場就會被扭曲。但扭曲唔可能永無止境。我留意到的士司機平均年齡上升,意味呢行唔吸引,總有日到臨界點要減租求司機。當的士牌回報越來越低,就知個周期越來越近尾聲。

利世民

 

專欄電郵:SharpHK.Simon@gmail.com
Facebook專頁:www.facebook.com/AppleSimon

Facebook Comments

Leave a comment