Risk Off 小陽春

爽報 (財經V38, 2012.3.02)

 

有兩日,上Money Cafe同施老闆永青講樓市。我覺得施老闆最過癮嗰句說話係:「小陽春即係假陽春,好似乍暖還寒時候咁囉。」施老闆係長線好友,更加覺得今次係高中低檔三線齊發。我嘛,繼續扮演淡友唱對台。結果辯論邊個贏?梗係真金白銀賺錢嘅贏啦!
樓市長則睇三、五、七年,短都睇三、五、七季,所以,我都係留番歷史去將事實慢慢展示。不過,今個星期,有好多重點經濟事件,值得趁星期五,同大家一次過Round
Up,等大家慢慢消化。
今個星期第一件大事,點都要數歐央行LTRO
2.0。之前幾個星期,由最初吹到有成萬億歐元,到最保守嘅二千幾億,可見投機者根本都係得個估字。成件事,除咗金額規模,更加重要係睇投機者會唔會對有份抽LTRO嘅銀行有成見,亦即係非主流媒體所講既Stigma。
事實反映,今次參與嘅銀行數目,由上次嘅五百幾間,增加到?家八百間;明顯就係Stigma慢慢減退,甚至已經可以話唔存在。至於五千幾億嘅規模,可以叫做預期之內。如果大家要用一個簡單詞語去理解呢次事件,我會話係「Risk
Off」。
庫存大增 通脹預期升
另一個大家要知嘅係,經過兩次LTRO,歐洲央行嘅Balance
Sheet對歐洲央行GDP比例,已經多出聯儲局對美國GDP比例,接近25%。如果連歐洲都Risk
Off,美國又點呢?美國最新數字,上調舊年第四季GDP增長到3%。要知道,GDP並唔係好精準科學嘅數字,大家都係作為參考,唔好太過認真。留意細位,數字又再上調,其中一個原因係庫存大增。有人將庫存增加,理解成物料賣唔出,係經濟放緩表現。但我自己就認為,庫存大增係通脹預期在上升當中嘅現象。
說時遲那時快,伯南克就已經向美國國會報告,話預期通脹壓力會加大。外間好自然第一個反應就係:QE3無着落。現貨金即時暴跌成4%以上。最諷刺係,人家話通脹有預期,你班投機者就沽金。可見有央行高度干預嘅市場,並唔可以用常理推測。至於最近身嘅大陸,自從人行減RRR,資金明顯鬆晒。不過本來打算重售央票仍要擱置。睇來暫時都係Risk
Off,但用施老闆嘅定義,呢個應該係小陽春。
利世民
專欄電郵:SharpHK.Simon@gmail.com
Facebook專頁:www.facebook.com/AppleSimon

有兩日,上Money Cafe同施老闆永青講樓市。我覺得施老闆最過癮嗰句說話係:「小陽春即係假陽春,好似乍暖還寒時候咁囉。」施老闆係長線好友,更加覺得今次係高中低檔三線齊發。我嘛,繼續扮演淡友唱對台。結果辯論邊個贏?梗係真金白銀賺錢嘅贏啦!

樓市長則睇三、五、七年,短都睇三、五、七季,所以,我都係留番歷史去將事實慢慢展示。不過,今個星期,有好多重點經濟事件,值得趁星期五,同大家一次過RoundUp,等大家慢慢消化。

今個星期第一件大事,點都要數歐央行LTRO2.0。之前幾個星期,由最初吹到有成萬億歐元,到最保守嘅二千幾億,可見投機者根本都係得個估字。成件事,除咗金額規模,更加重要係睇投機者會唔會對有份抽LTRO嘅銀行有成見,亦即係非主流媒體所講既Stigma。

事實反映,今次參與嘅銀行數目,由上次嘅五百幾間,增加到?家八百間;明顯就係Stigma慢慢減退,甚至已經可以話唔存在。至於五千幾億嘅規模,可以叫做預期之內。如果大家要用一個簡單詞語去理解呢次事件,我會話係「RiskOff」。

庫存大增 通脹預期升

另一個大家要知嘅係,經過兩次LTRO,歐洲央行嘅BalanceSheet對歐洲央行GDP比例,已經多出聯儲局對美國GDP比例,接近25%。如果連歐洲都RiskOff,美國又點呢?美國最新數字,上調舊年第四季GDP增長到3%。要知道,GDP並唔係好精準科學嘅數字,大家都係作為參考,唔好太過認真。留意細位,數字又再上調,其中一個原因係庫存大增。有人將庫存增加,理解成物料賣唔出,係經濟放緩表現。但我自己就認為,庫存大增係通脹預期在上升當中嘅現象。

說時遲那時快,伯南克就已經向美國國會報告,話預期通脹壓力會加大。外間好自然第一個反應就係:QE3無着落。現貨金即時暴跌成4%以上。最諷刺係,人家話通脹有預期,你班投機者就沽金。可見有央行高度干預嘅市場,並唔可以用常理推測。至於最近身嘅大陸,自從人行減RRR,資金明顯鬆晒。不過本來打算重售央票仍要擱置。睇來暫時都係RiskOff,但用施老闆嘅定義,呢個應該係小陽春。

利世民

專欄電郵:SharpHK.Simon@gmail.com

Facebook專頁:www.facebook.com/AppleSimon

Facebook Comments

Leave a comment