虎媽大戰怪獸家長

爽報 (財經V53, 2012.4.17)
我對「怪獸家長」呢個標籤好厭惡,就好似啲人唔鍾意「盛女」、「獨男」呢類標籤咁。乜嘢係「怪獸家長」?如果話家長想培養仔女都有錯,咁點做父母先係正確呢?
「唔係喎!香港好多家長對仔女要求超高,甚至比好多教育專業人員更大壓力,呢啲『怪獸家長』好有問題囉。」有要求,有乜問題?不過有啲家長確實無理,尤其是當自己仔女有錯都唔肯面對現實。但如果話有少少要求就係「怪獸家長」,呢個係乜嘢道理?
用心栽培同埋盲目溺愛係好大分別,甚至係差天共地。外國都有類似辯論。有位美籍華裔媽咪Amy
Chua,自己本身係耶魯大學嘅法律學院教授,又係兩個女嘅媽咪。佢寫本書《Battle Hymn of the Tiger
Mother》(中譯:虎媽的戰歌),提出對細路一定要嚴,咁先對佢哋最好。幾多人搞錯,以為「虎媽」就係「怪獸家長」。
香港人時時講「贏在起跑線」,其實好多人一開始就輸咗。有好多習慣真係要由細個開始。當然長大後,都見到唔少人可突然開竅,亦都見到有唔少人,大個先至學壞。不過,呢啲叫做例外,或者係個別例子;以偏概全,就係咁解。
我常強調投資定要令到投資對象本質發生根本改善。對子女嘅培養係好大嘅投資。不過好可惜,社會對呢方面嘅討論又出奇地膚淺。好多人,尤其政客,以為送晒啲細路讀大學就係教育,畀越多錢去搞,就係投資。結果搞出文憑量化寬鬆嘅大頭佛。
乜嘢先叫做「投資未來」?有人覺得畀細路開開心心就係最好。不過,我哋又知唔知,對細路嚟講,乜嘢先至係最開心?呢個問題,我認為好值得討論。五月初我會搞研討會講呢個題目,有興趣嘅朋友,麻煩留個email畀我,屆時我會同大家再交代詳情。
利世民
專欄電郵:SharpHK.Simon@gmail.com
Facebook專頁:www.facebook.com/AppleSimon

爽報 (財經V53, 2012.4.17)

 

我對「怪獸家長」呢個標籤好厭惡,就好似啲人唔鍾意「盛女」、「獨男」呢類標籤咁。乜嘢係「怪獸家長」?如果話家長想培養仔女都有錯,咁點做父母先係正確呢?

「唔係喎!香港好多家長對仔女要求超高,甚至比好多教育專業人員更大壓力,呢啲『怪獸家長』好有問題囉。」有要求,有乜問題?不過有啲家長確實無理,尤其是當自己仔女有錯都唔肯面對現實。但如果話有少少要求就係「怪獸家長」,呢個係乜嘢道理?

用心栽培同埋盲目溺愛係好大分別,甚至係差天共地。外國都有類似辯論。有位美籍華裔媽咪AmyChua,自己本身係耶魯大學嘅法律學院教授,又係兩個女嘅媽咪。佢寫本書《Battle Hymn of the TigerMother》(中譯:虎媽的戰歌),提出對細路一定要嚴,咁先對佢哋最好。幾多人搞錯,以為「虎媽」就係「怪獸家長」。

香港人時時講「贏在起跑線」,其實好多人一開始就輸咗。有好多習慣真係要由細個開始。當然長大後,都見到唔少人可突然開竅,亦都見到有唔少人,大個先至學壞。不過,呢啲叫做例外,或者係個別例子;以偏概全,就係咁解。

我常強調投資定要令到投資對象本質發生根本改善。對子女嘅培養係好大嘅投資。不過好可惜,社會對呢方面嘅討論又出奇地膚淺。好多人,尤其政客,以為送晒啲細路讀大學就係教育,畀越多錢去搞,就係投資。結果搞出文憑量化寬鬆嘅大頭佛。

乜嘢先叫做「投資未來」?有人覺得畀細路開開心心就係最好。不過,我哋又知唔知,對細路嚟講,乜嘢先至係最開心?呢個問題,我認為好值得討論。五月初我會搞研討會講呢個題目,有興趣嘅朋友,麻煩留個email畀我,屆時我會同大家再交代詳情。

 

利世民

專欄電郵:SharpHK.Simon@gmail.com
Facebook專頁:www.facebook.com/AppleSimon

Facebook Comments

Leave a comment