歐洲加稅 死得更快

歐洲國家,基本上都係高稅率。高稅率嘅國家,都一定有人千方百計去逃稅。IMF總裁拉加德(Christine
Lagarde)叫希臘有錢人好心交稅,又話寧願同情非洲好過。老實講,聽落真係有道理喎!希臘政客個個就喊打喊殺,搞到拉加德要道歉。
之前歐洲委員會做咗個調查,原來希臘有四分之三「專業人士」,收入接近赤貧,唔使交稅。除咗希臘,意大利都出名多人逃稅。逃稅嚴重嘅國家,就業市場都係好多自僱人士。一,自僱方便逃稅;二,勞工法規太過嚴格,搞到好人要變成自僱。
企業聘用打工仔,都會如實報稅。不過打工仔入息稅收得足,又到企業用各種辦法避稅。歐洲唔少國家,個人入息稅收到十足,企業利得稅稅率調到幾高都冇用。企業避稅,成隊律師、會計師處理,政府就算知收唔足都冇符。最經典例子就係結構複雜到無倫嘅IKEA:總部設荷蘭,子公司就由唔同慈善信託持有,所有錢,最終都會滙去瑞士旁邊嘅列支頓士登(Liechtenstein)。除IKEA,好多大型歐洲企業都有類似結構,當中唔少係德國企業。
歐洲經濟問題,肯定唔係靠加稅率解決得到。不過政客好似淨係諗加稅,死都唔會諗減政府浪費嘅開支。香港如果唔吸取人哋嘅教訓,就認真笨。
利世民
專欄電郵:SharpHK.Simon@gmail.com
Facebook專頁:www.facebook.com/AppleSimon

爽報 (財經V44, 2012.5.30)

 

歐洲國家,基本上都係高稅率。高稅率嘅國家,都一定有人千方百計去逃稅。IMF總裁拉加德(ChristineLagarde)叫希臘有錢人好心交稅,又話寧願同情非洲好過。老實講,聽落真係有道理喎!希臘政客個個就喊打喊殺,搞到拉加德要道歉。

之前歐洲委員會做咗個調查,原來希臘有四分之三「專業人士」,收入接近赤貧,唔使交稅。除咗希臘,意大利都出名多人逃稅。逃稅嚴重嘅國家,就業市場都係好多自僱人士。一,自僱方便逃稅;二,勞工法規太過嚴格,搞到好人要變成自僱。

企業聘用打工仔,都會如實報稅。不過打工仔入息稅收得足,又到企業用各種辦法避稅。歐洲唔少國家,個人入息稅收到十足,企業利得稅稅率調到幾高都冇用。企業避稅,成隊律師、會計師處理,政府就算知收唔足都冇符。最經典例子就係結構複雜到無倫嘅IKEA:總部設荷蘭,子公司就由唔同慈善信託持有,所有錢,最終都會滙去瑞士旁邊嘅列支頓士登(Liechtenstein)。除IKEA,好多大型歐洲企業都有類似結構,當中唔少係德國企業。

歐洲經濟問題,肯定唔係靠加稅率解決得到。不過政客好似淨係諗加稅,死都唔會諗減政府浪費嘅開支。香港如果唔吸取人哋嘅教訓,就認真笨。

 

利世民

專欄電郵:SharpHK.Simon@gmail.com
Facebook專頁:www.facebook.com/AppleSimon

Facebook Comments

Leave a comment