爽報 (財經V40, 2012.8.16)

「後生仔好慘呀！佢哋要有自己一間樓呀！」

思歪未做特首之前，就係用呢個概念，令到好多「未來社會棟樑」覺得佢係一個好人。唔知點解，我諗起當年毛澤東搞土改，硬係要農民同地主搞階級鬥爭，寧左勿右。

「你咪鬧政府啦，佢由上場第一日，就醜聞不斷，再鬧都冇用啦！」
就係面皮厚到咁，先至得人驚！老實講，思歪有政治任務，就唔在講。「摑民教育」已經搞到一鑊粥，好難向上面交代。之後，又要推廿三條，佢邊度有貨交？好嘞，急於交差嘅政府，你話佢會點？

搞港版土改，履行競選承諾囉！政府臨換屆之前，出咗份叫做「新界東北新發展……第三階段公眾參與」。

大家留意囉，文件冇話諮詢㗎，公眾又點參與呢？有班「未來社會棟樑」反對，因為北區起豪宅，益大陸人喎！嘿，咁起單身公屋，做青年營好唔好？「未來社會棟樑」一定贊成啦！

政府冇講清講楚，新界東北地權，好多由私人擁有。政府?家唔會同私人合作發展，要強行收地，搞土改。思歪真係毛澤東嘅好學生！

不過，我想提吓班「未來社會棟樑」，毛澤東嘅土改，冇改善到農民生活。思歪嘅土改，都唔會畀到你哋一人一公屋。唔信？放長雙眼睇啦！

李兆富