聯儲局:進步!團結!無私!

爽報 (財經V29, 2012.9.17)

 

上周五香港時間凌晨,聯儲局公開市場委員會(FOMC)宣佈無限期QE。之前Jackson Hole央行年會,伯南克為自己辯護話好多研究撐佢,證明之前兩次都非常有效。但如果之前兩次QE都有效,就唔需要呢次無限期QE啦!歷史上未試過美元利率推到接近零,然後要買、買、買,直到永遠!伯南克大膽勇進,都算「進步」!
記者會上面,有人問伯南克:「好似唔少經濟學家質疑QE嘅作用。」伯南克就話:「今次,FOMC入面得一票反對,係大比數支持。」言下之意,聯儲局好「團結」!又有記者問:「2014年,你任期屆滿。共和黨候選人羅姆尼(Mitt Romney)講明要換咗你。今次大動作,係咪為咗保住自己份工?」伯南克就話:「我暫時只係諗住點樣搞好經濟。」真係好「無私」呀!
聯儲局話自己「進步、團結、無私」,政府又「逼」香港人信美元,但係,大家始終有自由將財富轉去其他資產。
我要提醒大家,世界上個個執政集團都一樣,只要有財赤,任何政府都有動機去競爭性貶值,透過削弱貨幣購買力去掩飾政府洗腳唔抹腳嘅真相。無論洗腦洗腳洗袋,都靠自己醒目保護自己。
李兆富

上周五香港時間凌晨,聯儲局公開市場委員會(FOMC)宣佈無限期QE。之前Jackson Hole央行年會,伯南克為自己辯護話好多研究撐佢,證明之前兩次都非常有效。但如果之前兩次QE都有效,就唔需要呢次無限期QE啦!歷史上未試過美元利率推到接近零,然後要買、買、買,直到永遠!伯南克大膽勇進,都算「進步」!

記者會上面,有人問伯南克:「好似唔少經濟學家質疑QE嘅作用。」伯南克就話:「今次,FOMC入面得一票反對,係大比數支持。」言下之意,聯儲局好「團結」!又有記者問:「2014年,你任期屆滿。共和黨候選人羅姆尼(Mitt Romney)講明要換咗你。今次大動作,係咪為咗保住自己份工?」伯南克就話:「我暫時只係諗住點樣搞好經濟。」真係好「無私」呀!

聯儲局話自己「進步、團結、無私」,政府又「逼」香港人信美元,但係,大家始終有自由將財富轉去其他資產。

我要提醒大家,世界上個個執政集團都一樣,只要有財赤,任何政府都有動機去競爭性貶值,透過削弱貨幣購買力去掩飾政府洗腳唔抹腳嘅真相。無論洗腦洗腳洗袋,都靠自己醒目保護自己。

 

李兆富

Facebook Comments

Leave a comment