篩選的邏輯

爽報 (港聞 V12, 2013.07.22)
中聯辦主任張曉明話,篩選係對香港人嘅保障。張主任言下之意,篩選都係優勝劣敗嘅競賽,只不過規則由建制去定。但係輸贏,又由邊個去決定?其實,民主派同北京,最大分歧,就係以乜嘢方法去決定政治競賽嘅輸贏。
再睇番香港建制派水平,號稱全港最大民間組織工聯會榮譽會長,兼疑似中國蘇維埃港區長老鄭人大耀棠就話,無篩選容乜易選出個艷星來。我都唔知佢詆毀緊邊個,不過我會話,艷星比思歪更得民心。最終兩派取態,都係講你信群眾智慧,定係少數精英決定。建制派信少數精英,但係自己眼中只有艷星;民主派,口頭上話相信群眾智慧,但又接受唔到市民要個人選擇嘅決定,乜都要政府去管、去包底。
究竟乜嘢係真正民主?唔需要俾人管、唔需要別人過問,個人問責,自己搞得來,就唔好叫人哋去做,就係自主。本少爺,既唔信少數精英,亦唔信群眾智慧,只信自己嘅決定,自己問責、自主,先至係終極民主。無小政府嘅集體決定,叫做民粹;無小政府嘅少數人話事,叫做專政。專政同民粹,都係文明敵人,可惜,香港人似乎只有呢兩個選擇。
點解我哋要困於民粹同專政之間?自力更生點解唔係更好?假如你贊成呢個論點,麻煩將訊息廣傳,多謝。
李兆富

爽報 (港聞 V12, 2013.07.22)

 

中聯辦主任張曉明話,篩選係對香港人嘅保障。張主任言下之意,篩選都係優勝劣敗嘅競賽,只不過規則由建制去定。但係輸贏,又由邊個去決定?其實,民主派同北京,最大分歧,就係以乜嘢方法去決定政治競賽嘅輸贏。

再睇番香港建制派水平,號稱全港最大民間組織工聯會榮譽會長,兼疑似中國蘇維埃港區長老鄭人大耀棠就話,無篩選容乜易選出個艷星來。我都唔知佢詆毀緊邊個,不過我會話,艷星比思歪更得民心。最終兩派取態,都係講你信群眾智慧,定係少數精英決定。建制派信少數精英,但係自己眼中只有艷星;民主派,口頭上話相信群眾智慧,但又接受唔到市民要個人選擇嘅決定,乜都要政府去管、去包底。

究竟乜嘢係真正民主?唔需要俾人管、唔需要別人過問,個人問責,自己搞得來,就唔好叫人哋去做,就係自主。本少爺,既唔信少數精英,亦唔信群眾智慧,只信自己嘅決定,自己問責、自主,先至係終極民主。無小政府嘅集體決定,叫做民粹;無小政府嘅少數人話事,叫做專政。專政同民粹,都係文明敵人,可惜,香港人似乎只有呢兩個選擇。

點解我哋要困於民粹同專政之間?自力更生點解唔係更好?假如你贊成呢個論點,麻煩將訊息廣傳,多謝。

 

李兆富

Facebook Comments

Leave a comment